لقاء الخميسي: "فهمت من البوست إنها عايزاني أطلق.. وده مستحيل دول 21 سنة"
فتحت الفنانة لقاء الخميسي قلبها للحديث عن تفاصيل أزمة زواج زوجها محمد عبد المنصف من الفنانة إيمان الزيدي، مؤكدة أن فكرة الطلاق لم تكن خيارًا مطروحًا بالنسبة لها.
لقاء الخميسي: “ده بيتي وولادي ومش هسيبه بسهولة”
قالت لقاء خلال لقائها في برنامج “أسرار” مع الإعلامية أميرة بدر على قناة “النهار”: “أنا لما شوفت البوست اللي نزلته، فهمت منه إنها عايزاني أطلق، وده مستحيل، ده بيتي، وولادي، وذكريات 21 سنة أنا مش ممكن أسيب كل ده بسهولة، وأنا هدافع عنه”.
وأضافت أنها تلقت الخبر قبل انتشاره رسميًا، لكنها لم تصدقه في البداية، موضحة: “الخبر وصلي قبل كده فعلًا، بس أنا مصدقتش أنا بطبعي مبصدقش أي كلام يتقال عن بيتي، خدت الموضوع بهزار وضحك، وقلت لا استحالة”.
لقاء الخميسي: “21 سنة مش سهلة.. إزاي أشك؟”
وأكملت لقاء حديثها قائلة: "إحنا 21 سنة مع بعض، إزاي أشك فيه بسهولة؟ هو عمره ما حسسني بأي تغيير، ومكنش مأثر معايا في حاجة عشان كده ما دخلش الشك قلبي".
وأوضحت أنها واجهته بالكلام الذي سمعته، مؤكدة أنها كانت ما تزال غير مقتنعة بحدوث الأمر حتى اللحظة الأخيرة.
الاعتراف قبل العلن
كشفت لقاء أن زوجها اعترف لها بالحقيقة قبل انتشار الخبر رسميًا، قائلة: “هو قبل ما الموضوع ينزل على السوشيال ميديا، جه وقال لي الحقيقة أنا اتأكدت لما هي نزلت البوست بنفسها”.
وأشارت إلى أنها شعرت أن الهدف من نشر الخبر بتلك الطريقة كان دفعها لاتخاذ قرار الطلاق، مضيفة: “أنا حسيت إن البوست كان عشان أقول خلاص عايزة أطلق، لكن ده محصلش فكرة الطلاق مكانتش مطروحة عندي”.
لقاء الخميسي: “مش أي أزمة تهد بيت”
واختتمت لقاء حديثها بالتأكيد على أن العلاقات الطويلة لا تُهدم بسهولة، قائلة: “أي بيت بيعدي بأزمات، بس مش كل أزمة معناها نهاية أنا فكرت في ولادي، وفكرت في سنين عمرنا، واخترت أحافظ على بيتي”.
