من غير بهرجة ولا فستانين.. هشام جمال يكشف كواليس حفل زفافه لأول مرة
في حديث شفاف ومليء بالمشاعر، كشف الفنان هشام جمال كواليس حفل زفافه من الفنانة الشابة ليلى أحمد زاهر، مشيرًا إلى أن كل التفاصيل خرجت من القلب، بعيدًا عن البهرجة أو الاستعراض، وكانت نابعة من رغبتهم في الاحتفال بشكل يشبههم ويُرضيهم، خاصة ليلى التي حرص على تنفيذ كل ما كانت تحلم به في هذا اليوم المميز.
كواليس تُروى لأول مرة
يقدم لكم موقع وشوشة أبرز تصريحات الفنان هشام جمال، خلال استضافته مع الإعلامية إسعاد يونس في برنامج "صاحبة السعادة"، المُذاع عبر قناة DMC، حيث أوضح أن ليلى لم تطلب منه طلبات مبالغ فيها كما هو معتاد من بعض العرائس مؤخرًا، وقال: "أقصى طلب طلبته مني إنها تعمل كتب الكتاب في يوم منفصل، وكانت عايزة اليوم ده يكون عائلي أكتر ومقفول شوية".
وأضاف: "ولا طلبت فستانين زي ما العرايس بتعمل اليومين دول، ولا قالت هغير شعري، إحنا مشينا بطبيعتنا خالص".
مساحة واسعة وذوق مختلف.. حفل بسيط بإحساس عميق
وتابع جمال موضحًا: "كان لازم نعمل الفرح في مساحة كبيرة علشان كان عندنا عدد كبير من المعازيم من الناحيتين، وده خلانا نحاول نعمل حاجة مختلفة من حيث شكل المكان وطريقة تقديمه"، مضيفًا: "مكنش هدفي أتباهى أو أظهر بمنظر معين، أنا كنت حابب أعمل حاجة تفرّحها وتخليها مبسوطة بيها، ده كان هدفي الأساسي".
حلمها بالمكان المثالي
وأشار هشام إلى أن ليلى كانت ترغب بإقامة الفرح في مكان معين قبل الاستقرار على المكان النهائي، وقال: "هي كانت عايزة تعمل الفرح في مكان معين، وأنا فعلاً رحت وشوفت المكان، لكنه اتقفل وقتها، فابتديت أفكر أعمل إيه شبهه ومغيرش اللي هي كانت عايزاه".
وأضاف: "المكان ده وقتها مكنش مشهور ولا غالي، كان في أماكن أغلى منه بكتير في مصر، بس كنت قاعد أفكر نخلي شكله عامل إزاي، والناس أول ما تدخل تحس بإيه".
عملنا اللي يرضينا ويشبهنا
وأكد هشام جمال في ختام حديثه أن هدفهما الأساسي لم يكن الظهور بشكل مبالغ فيه، بل تقديم ليلة مميزة تحمل طابعًا شخصيًا، وتُرضيهم هم وأهلهم، وقال: "مكنش قصدنا نعمل مناظر زيادة أو بهرجة، إحنا عملنا حاجة ترضينا وتشبهنا وتشبه أهلنا، والحمد لله الفرح عجبها وعجب كل الناس، وربنا وفقنا فيه".