ميرنا جميل: عندي الحاسة السادسة.. وكواليس اللعبة ممتعة للغاية

أعربت الفنانة ميرنا جميل، عن سعادتها بمشاركتها في مسلسل اللعبة، قائلة: «ده مسلسل جميل فعلا وكلنا بنحبه.. وكواليس العمل تحفة وإحنا لو صورنا كواليس اللعبة اصلا هنطلع 10 مواسم من المسلسل من كتر الضحك واللذاذة اللي في الكواليس».

كواليس اللعبة 

وأضافت، خلال استضافتها في برنامج «On The Road» المذاع عبر شاشة آل بي سي، مع الإعلامي بلال العربي: «في ناس كتير جدا جدا بتحسدنا على كواليس العمل ده.. إحنا بقينا قريبين من بعض جدا جدا في العمل ده إحنا بقينا عائلة».

وفي سياق حديثها عن حياتها الشخصية، قالت ميرنا وليد: «أنا عندي الحاسة السادسة وبحلم بحاجات كتير.. في مرة حلمت بشخص مات وبعدين والد صحبتي توفى لما روحت العزاء وشوفت صورته طلعت أجري من الخضة لأني حلمت بيه.. كمان حلمت إن أبويا هيتوفى قبل وفاته».

وتابعت: «وأنا صغيرة كنت بكتب جوابات أشتكي لربنا من مواقف مزعلاني وأقوله عايزة حقي، أنا طول الوقت عندي شعور إن ربنا بيحبني».