ياسمين عز: “محمد شريف ما يهزوش 10 أسامة أبو علي!”
واصلت الإعلامية ياسمين عز تصريحاتها المثيرة خلال حلقة برنامج كلام الناس المذاع عبر شاشة MBC مصر، متحدثة بحماس كبير عن لاعبي النادي الأهلي قبل المباراة المرتقبة.
إشادة قوية بمحمد شريف
قالت ياسمين عز: «محدش يتكلم عن محمد شريف المخيف الحريف، ولو جابوا له 10وسام أبو علي ولا يهزه، والكلام ده على مسؤوليتي، وأنتم عارفين إني في الكورة مبهزرش».
وأضافت: «هما قالوا الأهلي فوق الجميع وهنظل أوفياء، لكن متضغطش عليّ أكتر من كده.. هنكسب بكرة إن شاء الله، سامحني يارب أنا كذبت كتير في البرنامج ده، لكن معلش بكرة الجمعة في ماتش وبعده السبت في برنامج، نكسب يوم الجمعة نطلع يوم السبت نسقف في البرنامج، أي حاجة تانية يوم الجمعة عندنا كلام تاني في البرنامج».
حالة قلق قبل المباراة
وأردفت ياسمين عز: «واخدين بالكوا إني لابسة أسود النهارده؟ بطلت ألبس أحمر علشان خايفة يقولوا فال وحش ووشها وحش، مع إن وشي حلو على الجميع، وياما الأهلي كسب بسببي، لكن النهارده أنا حزينة، بس همثل إني سعيدة عشان عندي ضيوف جايين بعد شوية».
واختتمت تصريحاتها قائلة: «أرجوكم محتاجة حد يساعدني، محتاجة أنبسط بكرة ونكسب، محتاجة أنام أحلم ببكرة وييجي بكرة وأنبسط وأقعد قلبي مفرفح من الانبساط، ومقعدش متزرزعة وأنا بتفرج على الماتش طمنوا قلبي».
