ياسمين عز تهاجم مقاسات ما قبل الجواز: هتتخني بعد الجواز.. وهاتي لبس أوسع يا شيماء!
أثارت الإعلامية ياسمين عز حالة من الجدل بعد تعليقها الساخر على عادات الفتيات قبل الزواج، خاصة ما يتعلق بشراء ملابس أصغر من مقاسهن، وذلك خلال برنامج «كلام الناس» المذاع على قناة MBC مصر.
سؤال مباشر للفتيات قبل الزواج
قالت: «عندي سؤال مؤرقني هو انتي ليه وانتي رايحة تتجوزي بتجيبي لبس أصغر من مقاسك مين وهمك وقالك إنك هتخسي لا سمح الله بعد الجواز».
تحذير ساخر من زيادة الوزن
وأضافت: «يعني لو انتي مثلا إكس لارج بتجيبي لارج هل انتي على علم إنك بعد الجواز هتتخني 8 كيلو وبعد الحمل هتبقي طن ونص وهتفطري 4 مرات وهتتغدي مرتين وتتعشي 3 مرات».
كشف عادات الأكل قبل الزواج
وتابعت: «وهل عريسك على علم إنك لما كنتي أنسه كنتي بتاكلي أخواتك الصغار في البيت وبتاكلي حلاوة وقشطة حاف الساعة 3 الفجر وقعدتك لوحدك مع التلاجة بقيتي طماعه».
واختتمت حديثها قائلة: «لازم تشتري لبس عادي أكبر من مقاسك بدرجة أو درجتين أيهما أقرب قبل الجواز لأنه هي مش فلوس على الأرض».
