شيرين عبدالوهاب: أنا رجعت من الموت.. ولسه عايزة أعيش وأغني للناس
كشفت المطربة شيرين عبدالوهاب عن كواليس عودتها للساحة الفنية، خلال مداخلة هاتفية مع الإعلامي عمرو أديب في برنامج «الحكاية» المذاع عبر قناة MBCمصر، مؤكدة أنها تمر بمرحلة جديدة تسعى خلالها للعودة بقوة لجمهورها.
تشبيه مؤثر بتيتانيك
قالت شيرين: «اللي رجعني.. عارف المشهد بتاع فيلم تيتانيك لما كانت على الخشب.. أنا جاية من هنا خدت الصفارة وناديت ع القارب أنا لسه عايزة أعيش وأشتغل».
الإصرار على العودة رغم القلق
وأضافت: «الناس كانوا خايفين عليا ويقولوا لا مش دلوقتي قلت لا دلوقتي»، مؤكدة رغبتها في الغناء من جديد بكل طاقتها.
رسالة حب للجمهور
وتابعت: «طالعة أغني للناس بروح وقلبي وعاوزهم يسمعوني.. صوتي يكون في بيوتهم وعربياتهم وتليفوناتهم».
وأوضحت: «حاسة إني كنتي سقعانة ولسه سعقانة ومختاحة ادفى.. بس نفسيا كويسة»، في إشارة إلى تحسن حالتها رغم بعض آثار التعب.
وأكدت: «اللي أنا شايفاه خففني.. وأغنية كل أسبوعين لحد آخر الصيف والأغنية اللي جاية فرحانة»، كاشفة عن نشاط فني مكثف خلال الفترة المقبلة.
وقالت: «فجأة لقيت عزيز الشافعي وتوما بيسمعوني أغنية.. عزيز عامل زي الدادة معايا وياخدني من البيت ويرجعني.. وأنا بقوله دايما عزيز عيني.. وتوما برضه فتح ليا بيته.. وبعمل أغنية مع محمد حماقي».
وكشفت: «لما دخلت الاستوديو.. إيدي كانت متلجة وضربات قلبي زيادة.. لأن التعب النفسي بيخلي في تعب عضوي.. ودني صفرت.. فغمضت عيني وغنيت الأغنية كلها وأنا مغمضة».
وأشارت: «عاوزة أشكر ناس ليهم أفضال عليا.. محمود الليثي.. وأحمد سعد.. وهيفا وهبي.. وزينة كانت قايمة بأكبر دور برعاية ولادي».
واختتمت: «احنا كويسين وولادي بخير.. بنصحى بدري ونعمل أنشطة»، مؤكدة استقرار حياتها الأسرية.
