ياسمين عز تشعل الجدل: “مليون جنيه نقطة أقل واجب في طنطا”
أثارت الإعلامية ياسمين عز حالة واسعة من الجدل بعد تعليقها على واقعة تقديم “نقطة” بقيمة مليون جنيه في أحد الأفراح بمحافظة الغربية، وذلك خلال برنامج «كلام الناس» على قناة MBC مصر.
تعليقها على “نقطة المليون”
قالت: «الراجل نقط بمليون جنيه مستغربين ليه يعني في اي جماعه دي أقل حاجه عندهم دي أقل حاجه في الغربية والغربية عاصمتها طنطا».
تصريحات عن مستوى المعيشة في طنطا
وأضافت: «أقل راجل في طنطا بيجيب لمراته بـ 100 ألف جنيه مشبك و 5 مليون جنيه دهب وكاتبلها الشقة باسمها فمستغربين ليه».
تفاصيل طريفة عن الحياة اليومية
وأوضحت: «الراجل في طنطا كل يوم بليل بينزل يجيب لمراته بـ 2000 جنيه حمص كل ألف في كيس لوحده عشان مراته بتكون زهقانه بتقعد تقزقز في البلكونه».
وتابعت: «عندهم في طنطا محل دهب الحلويات أو دهب للحلويات يعني بيعملوا الحلويات عندهم من مايه الدهب ويأكلوها لمراتاتهم عشان كده تلاقي ستات طنطا والغربية حلوين كده وبيلمعوا والست عندنا هنا جوزها بيعملها الشاي بماية المجاري».
واستطردت: «الست في طنطا كل يوم الصبح تصحى تبوس راس جوزها وتحب على إيده وتقوله لو لم تكن طنطاويا لوددت أن تكون طنطاويا».
