سامو زين لـ"وشوشة": السوشيال ميديا نعمة للفنان وفرصتها للجميع
تحدث الفنان سامو زين عن مجموعة من المواضيع الفنية ، مؤكدًا أن مواقع التواصل الاجتماعي أصبحت عنصرًا أساسيًا في مسيرة أي فنان ولا يمكن تجاهل تأثيرها في صناعة النجومية.
السوشيال ميديا.. ضرورة لا غنى عنها
وقال سامو زين لـ "وشوشة": "بصراحة أنا مقدرش أقول إني ضد السوشيال ميديا، لأني أصلًا واحد من الناس اللي موجودين عليها وبيتعاملوا معاها بشكل يومي، ولازم أبقى متواصل مع الجمهور دلوقتي الفنان بقى خلطة متكاملة، مش بس صوت حلو أو تمثيل كويس، لازم يعرف يتكلم، يعرف يظهر، يعرف يدير نفسه على المنصات المختلفة ويكون موجود".
وأوضح أن المنافسة لم تعد مقتصرة على الساحة الفنية التقليدية، بل امتدت إلى العالم الرقمي، ما يفرض على الفنان أن يكون متفاعلًا ومواكبًا للتطورات.
وأضاف سامو زين: "أنا شايفها حاجة حلوة جدًا، ونعمة مش نقمة، لعدة أسباب أولًا لأنها ادتنا مساحة أكبر بكتير زمان لو عندك موهبة قوية كنت فين وفين لما توصل للوطن العربي، دلوقتي تقدر توصل للعالم كله تقدر تعرض شغلك على جمهور كبير".
وأشار إلى أن السوشيال ميديا كسرت الاحتكار الذي كان موجودًا في الماضي، وجعلت الفرصة متاحة للجميع، وليس فقط لأسماء أو شركات بعينها وقال: "النهارده لو عندك موهبة حقيقية وتعرف تستثمرها صح، تقدر تخلي العالم يسمعك ويشوفك ويقدر تعبك".
“التريند” لا يصنع نجاحًا دائمًا
وعن السعي وراء زيادة المشاهدات والمتابعين، أوضح سامو زين: "في ناس بتعمل حاجات بس عشان تزود المشاهدات والفولورز، دي ترجع لكل فنان هو عايز يقدم نفسه إزاي أنا شايف إن النجاح الحقيقي مش رقم على الشاشة، النجاح الحقيقي هو الاستمرارية والمحتوى اللي يعيش ممكن حد يحقق تريند يومين أو تلاتة، لكن اللي بيفضل هو اللي عنده موهبة حقيقية وقيمة".
أحدث أعمال سامو زين
يواصل الفنان سامو زين نشاطه الفني هذا الصيف، حيث طرح مؤخرًا أغنيته الجديدة “سما صافية”، والتي تعد أحدث أعمال الميني ألبوم الصيفي، مع توقعات بطرح مجموعة متنوعة من الأغنيات خلال الشهر المقبل ضمن خطة فنية مكثفة.
تحمل الأغنية توقيع كلمات أسامة محرز، وألحان سامو زين وعلي الخواجة، مع توزيع موسيقي من وسام عبد المنعم، وتتميز بطابع رومانسي صيفي يعكس قصة شاب يقع في حب فتاة جميلة فور رؤيتها على أحد الشواطئ، في أجواء مبهجة تتناسب مع أجواء الموسم.