محمد علي رزق: لن أدعم ابني في التمثيل
كشف الفنان محمد علي رزق عن موقفه الصريح تجاه دخول ابنه مجال التمثيل، مؤكدًا أنه لا يتمنى أن يسلك نفس طريقه المهني، قائلًا: “أنا مش هادعمه في أول خطوة، حتى لو بقيت نجم، ومش هرفع سماعة التليفون على حد”.
وخلال تصريحاته في برنامج "One Take"، أوضح رزق أن ابنه له حرية القرار في اختيار طريقه، لكنه لن يمنحه دعمًا فنيًا مباشرًا إلا بعد أن يثبت نفسه، قائلًا: “إن شاء الله يروح يقولهم: أنا يحيى محمد علي رزق، هو حر، بس لما يثبت نفسه، وعد مني، هقف جنبه لأنه ابني، والضنا غالي”.
وردًا على الانتقادات المتوقعة حول توريث المهنة لأبناء الفنانين، قال: “آه، ما ابن الدكتور بيبقى دكتور، وبيقف جنب أبوه في العيادة، بيتعلم، هيكون على قلبي زي العسل، هو ابني، أعمل إيه؟ أرميه؟ أنا مش محتاج أثبتلك، أنا محتاج أثبت لابني إني في ضهره”.
واختتم محمد علي رزق حديثه بالتأكيد على أنه لن يدعم ابنه في التمثيل إذا لم يلمس فيه موهبة حقيقية، قائلًا: “لو مش موهوب، هقوله تعال ندورلك على حاجة تانية جوا الفن، يمكن تكون مساعد مخرج أو تشتغل في الإنتاج، ويمكن حطيت إيدك على الزرار الغلط، وهحاول أقوله بشكل غير مباشر: أنت مبتعرفش تمثل”.