محمد علي رزق: الممثل عليه أن يجيد تقديم كل الأدوار
أكد الفنان محمد علي رزق أنه يرفض فكرة تصنيف الممثل في إطار محدد، مشيرًا إلى أن الممثل الحقيقي يجب أن يكون قادرًا على أداء أي دور يُطلب منه، حتى وإن لم يكن قريبًا من شخصيته أو شكله الخارجي.
وقال رزق، خلال لقائه ببرنامج ONE TAKE: "أنا ضد إن الممثل يتصنَّف أو أنا أصنّف نفسي الممثل يقدر يقدّم أي شخصية، ولو في مخرج شايف عندي الإمكانيات، حتى لو الدور مش شبهي في الشكل أو الجسم، أقدر أعمله."
وأضاف: "أنا بحب جدًا المخرج اللي يكلمني قبل العمل بفترة ويطلب مني أغيّر في شكلي أو أنقص وزني 10 كيلو عشان الدور ده بالنسبة لي تحدي ممتع، لكن للأسف الإنتاج عندنا مش منظم بالشكل الكافي، ومش دايمًا نعرف الأعمال من بدري."
وكشف رزق عن اهتمامه بتطوير أدواته الفنية باستمرار، موضحًا: "من فترة كان نفسي أتعلم رقص السمسية، وبدأت أدور على الموضوع بنفسي، لأن أي حاجة جديدة بتضيف للممثل وتخليه يقدر يستغلها في شغله."