محمد ممدوح يكشف كواليس "خناقة الثانوية" ومطاردة الشرطة: أنا وعز جرينا ومش عارفين ليه
كشف الفنان محمد ممدوح عن تفاصيل طريفة من حياته الدراسية، مشيرًا إلى أنه أنهى مرحلة الثانوية العامة في عام ونصف فقط، قائلًا: "دخلت أولى ثانوي كاملة، وفي تانية ثانوي حضرت الترم الأول بس، ومروحتش ولا يوم في الترم التاني، أما في ثالثة ثانوي فحضرت 4 أيام بس".
وخلال استضافته في بودكاست "فضفضت أوي"، تحدث عن علاقته بالكاتب والمؤلف محمد عز، مؤكدًا أنهما أصدقاء منذ أيام الثانوية العامة، وأضاف مازحًا: "اتعرفنا على بعض في خناقة".
واستعاد ممدوح موقفًا طريفًا جمعه بمحمد عز، قائلًا: "مرة أنا وعز كنا واقفين في وسط خناقة وإحنا مش عارفين إيه اللي بيحصل، وفجأة جه ميكروباص شرطة، ونزل منه مجموعة من رجال المباحث، قمت واخدت عز وجرينا"، وأضاف ضاحكًا: "سابوا كل الخناقة وجريوا ورانا، وإحنا لحد النهارده مش فاهمين كانوا بيجروا ورانا ليه".
محمد ممدوح المعروف بلقب "تايسون"، هو ممثل مصري بدأ مسيرته الفنية في المسرح، قبل أن ينتقل إلى التلفزيون والسينما حيث لمع نجمه بأدواره المميزة وقدرته على تجسيد الشخصيات المركبة.