إدوارد: كنت بحب المزيكا بس الحياة خدتني في سكة تانية
قال الفنان إدوارد إنه بدأ حياته بحب كبير للمزيكا، ودرسها فعلاً، لكن سابها فترة واشتغل مع والده في السياحة. "ماكنتش برتب خطواتي، كنت بسيب كل حاجة تمشي زي ما تيجي"، كده قالها وهو بيتكلم عن بداية المشوار.
وأضاف إدوارد أن برغم إن حلمه كان الفن، إلا إنه درس لغة إيطالي علشان يشتغل مرشد سياحي، وبعدها قرر يقفل الشركة ويرجع تاني للمزيكا، وفعلاً كوّن فرقته وهو قاعد في فندق بأسوان لمدة 10 سنين، وهناك قدم أغنية "ليندا ليندا" اللي نجحت جدًا وكانت بداية انتشاره كمطرب.
وتابع إنه قعد 14 سنة بعد شهرته كمغني، ليقدم أول فيلم، وهو "بحب السيما"، واللي اتصور بعد 10 سنين من بدايته ونزل بعد 4 سنين كمان، وأكمل : "استنيت كتير، بس الحمد لله الفيلم نزل في وقته وكان بداية حلوة".
وحكى عن أول مرة وقف فيها على المسرح، لما كان في المدرسة، وقدم مسرحية "موت بائع جوال"، وكان معاه وقتها الفنان خالد الصاوي وخالد صالح، اللي ماكنوش لسه بدأوا التمثيل. "كنا لسه كلنا في أول الطريق".