دنيا ماهر تكشف كواليس الزعيم لها: "كانت أبويّة جدًا.. بس الناس بتحب الشطة والفلفل"
كشفت الفنانة دنيا ماهر عن كواليس لقطة جمعتها بالزعيم عادل إمام، مؤكدة أن القبلة التي تلقتها منه على خدها بعد انتهاء أحد المشاهد كانت "أشبه بجائزة وتقدير كبير"، لكنها أُسيء فهمها من البعض.
وقالت دنيا، خلال حوارها في برنامج "واحد من الناس" المذاع على قناة الحياة: "هو طبعًا أستاذ كبير، وبعد ما خلصنا المشهد، قالي: تعالي، وباسني على خدي. كانت حاجة أبويّة جدًا وحلوة جدًا، لكن الناس كتبوها بعناوين وكأنها حاجة وحشة. الناس بتحب العناوين اللي فيها سخونة وفلفل وشطة".
وأضافت: "عادل إمام أستاذ كبير أوي، وفكرة إنه يهنيني على المشهد ويشوف إني أتقنته كانت فرحة كبيرة بالنسبالي، هو دايمًا بيحب يفرّح اللي حواليه وده اللي أنا حسيته وقتها".
وعن الفارق بين عادل إمام وابنه محمد إمام، قالت دنيا ماهر: "الفرق هو التاريخ، لأن أستاذ عادل إمام تاريخه باين في عينيه، ووقفتي قدامه كانت مختلفة عن أي ممثل وقفت قدامه قبل كده، أما محمد إمام فهو واخد من طباع والده: الأخلاق، والرقي، والتهذيب. وإن شاء الله نشوف التاريخ ده كمان بيكبر في عينيه".