نبيلة عبيد: "مش قادرة أفرّط في شقتي.. فيها ريحة أمي وكل عمري"
خرجت الفنانة الكبيرة نبيلة عبيد عن صمتها وناشدت الجميع الحفاظ على شقتها القديمة الواقعة في شارع جامعة الدول، بعد تهديدها بالإخلاء بسبب قانون الإيجار الجديد، وقالت نبيلة: "الشقة دي مش بس أربع حيطان.. دي فيها عمري، فيها كل أفلامي، وكل لحظة حلوة عشتها من أيام رابعة العدوية لحد آخر مشهد صورته".
وعبرت خلال مدخلة هاتفية عبربرنامج" الستات" المذاع عبر قناة النهار، عن خوفها من ضياع المكان اللي عاشت فيه سنين عمرها وقالت: "أنا لما بفتح باب الشقة، بحس كأني داخلة حضن أمي.. بشم ريحتها، وبشم ريحتي أنا كمان دي الشقة اللي فيها صوري، هدومي، كل تفصيلة تخصني. مش عايزة حاجة من حد، بس نفسي أفضل فيها".
نبيلة أوضحت إن الشقة مش ملكها، لكنها جزء من عمارة مملوكة للورثة، وما تقدرش تشتريها، لكنها مستعدة تدفع إيجار أغلى لو ده هيخلّيها تفضل فيها، وأضافت: "أنا لا اتجوزت، ولا عندي أولاد كل ما أملك في الدنيا موجود في المكان ده لو اتاخد مني، هلاقي صوري وحاجتي مرمية على الرصيف؟".
وقالت إنها فكرت تخلّي الشقة مزار صغير يحمل اسمها وذكرياتها، وتابعت: "مش عارفة آخد حاجتي واروّح فين.. هي دي حياتي.