بعد أزمته مع الصحفيين.. ناهد السباعي تُدافع عن شقيقها: تصرف بتلقائية بسبب حزنه!

أعربت الفنانة ناهد السباعي عن دعمها الكامل لشقيقها محمد السباعي وزوجته آية سماحة، بعد الانتقادات التي طالتهما بسبب رد فعلهما تجاه بعض المصورين خلال جنازة الفنان الراحل سليمان عيد.

وقالت في لقائها عبر برنامج "ET بالعربي": "أنا معاهم قلبًا وقالبًا، واللي حصل كان نتيجة لحظة زعل وألم مش أي حاجة تانية".

وأضافت ناهد أن شقيقها لم يكن يقصد الإساءة لأي شخص، وإنما تصرف بشكل تلقائي تحت ضغط المشاعر الحزينة، موضحة أن "اللي بيكون في موقف زي ده ممكن يقول كلام مش محسوب، لكن ده مش مقياس لأخلاقه أو احترامه".

وأشارت الفنانة قائلة: "الناس مش دايمًا بتشوف الصورة كاملة، في حاجات بتحصل بتوجع، وده اللي بيخلّي أي حد يتصرف بعصبية".

واختتمت ناهد حديثها برسالة واضحة: "أنا مش بدافع لمجرد إنه أخويا، لكن بدافع عن حق أي حد يحزن بكرامة ومن غير ضغط أو تطفل... لازم نحترم مشاعر بعض حتى في اللحظات الصعبة".