بسمة وهبة: اسمعوا أولادكم.. واهتموا بمشاعرهم

طالبت الإعلامية بسمة وهبة بفتح تحقيق موسع في واقعة طفل دمنهور، لا يقتصر فقط على المدرسة، بل يشمل كل من أهمل أو تستر على الحادث، وأكدت أن العدالة لازم تكون واضحة وشاملة علشان مايتكررش اللي حصل.

وقالت وهبة خلال برنامجها "90 دقيقة" المذاع عبر قناة "المحور": “المهم مش بس نعرف إيه اللي حصل، لكن كمان نفهم ليه حصل، وإزاي نحمي ولادنا من تكراره، ونادت بمراجعة نظام التعليم والرقابة في المدارس علشان نضمن بيئة آمنة للأطفال”.

ووجهت رسالة لأولياء الأمور، طلبت منهم يسمعوا ولادهم ويهتموا بمشاعرهم، لأن الطفل أحيانا لا يعرف يحكي، لكن يكون محتاج أحد يلاحظه ويتفهمه.

وفي ختام كلامها، حذرت بسمة وهبة من خطورة تكرار مثل هذه الوقائع، وقالت، إن حماية الأطفال مسؤولية الكل الأسرة، المدرسة، الإعلام، والدولة.