بالشيشة.. محمد رمضان يرد على تشكيك وسائل الإعلام في واقعة صفعه لشاب

حرص الفنان محمد رمضان، على الرد على إحدى القنوات العربية، التي  شككت في مصداقيته برواية تفاصيل واقعة صفعه لشاب في مراسي، خلال الفترة الماضية، والذي أوضح أن صفعته تسببت في فقدان الشاب لـ نظارته والقبعة التي كان مرتديها وقت الواقعة.

وقال رمضان، في فيديو عبر حسابه الشخصي بموقع انستجرام: حق الرد على القنوات العربية وبعض المواقع السعودية، الجمهور لفت انتباهي أنهم متحاملين عليا بعد فيديو اعتذاري للشاب الصغيرة وعائلته، سابوا الفيديو كله وبيلمحوا إني بكدب وكل الفيديوهات مبتقولش كده.

وتابع محمد رمضان: الجمهور لقى الفيديو اللي بيثبت ده.. وتداولوه الفترة اللي فاتت علشان يثبت لقناة العربية أني مش كداب وأني صادق وشجاع.. أنا طلعت اعتذرت لأن الاعتراف بالخطأ شجاعة، وإني قوي وتمالكت نفسي وكظمت غيظي واكتفيت إني مسحت الفيديو من التليفون حتى من غير ما أكسره اللي عليه إساءة لاسم والدي واسم الشهر الفضيل، مطلعين الشاب الصغير يلمح إني كداب ويقول تقل إيدك شوية. 
محمد رمضان يعتذر

وسبق واعتذر رمضان، لأهل الشاب الذي صفعه، حيث قال في مقطع فيديو عبر حسابه بموقع إنستجرام:"الجمهور العدل الأصيل الغالى، ألف شكر وربنا ما يحرمنيش منكم على وقفتكم معايا ومساندكم، وقرأت وسمعت قد إيه دافعتم عني وغلطتم الولد الصغير، ولكن أنا عملت الفيديو ده علشان أعترف بخطأي وأعتذر لأهل الولد الصغير، إني إيدي اتمديت عليه وأنا عارف إنه عيل صغير.

وأضاف: لما غلط في الأول قلعته الكاب وبصيت في وشه لقيت إنه صغير، وقلت له اسمك إيه ولما رجع غلط تاني لفيت وقلت له هات التليفون خباه، وما تمالكتش نفسي وضربته قلم بسيط والقلم البسيط ده طير له الكاب والنضارة، ولو نعتبر إن الناموسة اللي وقفت على خدي قلم فأنا أستاهل خمسة لأني مديت إيدي على عيل صغير ودي لا رجولة ولا بطولة.

واختتم: وأنا ما تمالكتش نفسي لما خدت تليفونه ومسحت الفيديو، وحد قال لي اكسر له تليفونه علشان ما يعملش كده تاني، قلت له لو هو غلط أبوه وأمه ذنبهم إيه يجيبه له تليفون تاني؟ خاصة لما عرفت إنه من قرية تانية، وقلت لهم روّحوه، والأمن قال اعمل له محضر قلت لهم لا يروح بعد إذنكم.

وكان رواد السوشيال ميديا فوجئوا منذ أيام بظهور الشاب كريم شلبي صاحب واقعة الصفع التي تمت بينه وبين النجم محمد رمضان، ونشر كريم فيديو له وهو يرد على اعتذار رمضان له ولأسرته، وكانت هذه أبرز تصريحاته.

1- شكرًا لكل واحد وقف معايا إذا كان بكلمة حلوة وطلع دافع عني

2- أنا اتكلمت واعترفت بخطأي لأن الاعتراف بالحق فضيلة

3- أنا مطلعتش أتكلم في ولا قناة ولا فيديو لأني مش طالع أركب تريند زي ما بتقولوا لأني الحمد لله شبعان حب ناس وفلوس وعيني مليانة من صغري فمش محتاج أعمل تريند.

4- اعتذار محمد رمضان على راسي بس عاوز اقول كام حاجه من غير كلام كتير.. فيه ناس بتتولد صغيرة وبتكبر وفيه ناس بتتولد صغيره وبتفضل صغيرة.

5- أنا كنت طالع اتبسط مش فارقة قرية مراسي من قرية لوتس، ومش هتكلم في حوار أنك قولت أنك طيرت الكاب والنضارة بسبب القـلم بس إبقى تقل إيدك شوية، وإن كانت إيدي الشمال ناموسة فإيدي اليمين مرزبة.

6- وأنت بتقول أنك مرضتش تعمل محضر بس أنا اللي كنت هعمل فيك محضر بس قولت العفو عند المقدرة.