داليا البحيري لـ"وشوشة": حزينة لغياب ماجد حسني.. وعبدالله ابنه يكمل المسيرة

على هامش حضورها حفل دير جيست، كشفت الفنانة داليا البحيري في تصريح خاص لـ"وشوشة"، تفاصيل مشاركتها في الحفل، موضحة أنها لن تتولى تقديم الحفل بالكامل، قائلة: “مش هقدم الحفلة، أنا هقدم 3 تكريمات للفائزين بالجوائز الكوميدية، وفي تكريم ليا، وبعدها هقدم الـ3 تكريمات”.

وأعربت داليا البحيري عن سعادتها بتكريمها خلال الحفل، قائلة: “أولًا سعيدة بأي تكريم، لأن أي تكريم بيبقى طبطبة، وخصوصًا إني بقالي فترة معملتش شغل، فإني أتكرم في الوقت ده ليه معنى كبير بالنسبالي، وأنا سعيدة جدًا”.

وتحدثت داليا البحيري عن غياب ماجد حسني، مؤسس مهرجان دير جيست، معربة عن حزنها لعدم وجوده، قائلة: “أنا حزينة إن ماجد مش موجود بينا، وأكيد هيوحشنا كلنا، هو شخصية جميلة ومحترمة ومش هيتعوض، بس إن شاء الله عبدالله ابنه يكمل المسيرة، وأنا جاية النهاردة عشان نقف كلنا مع عبدالله”.

داليا البحيري عن رأيها في عمليات التجميل

كما تطرقت داليا البحيري إلى رأيها في عمليات التجميل، مؤكدة أن المرأة ليست مطالبة بإجرائها طالما أنها تشعر بالرضا عن شكلها، قائلة: "مش لازم على فكرة الست تعمل عملية تجميل خالص، طالما هي مبسوطة بنفسها وبشكلها، مش مضطرة خالص تعمل كده".

وأضافت: "أنا يمكن عملتها لأن طريقة حياتي وشغلي بتحتم عليا إن يبقى في اهتمام زيادة، إنما أي ست عادية مش لازم تكون فنانة ونفسها تعمل العملية دي عشان حالتها النفسية، ليه؟ طالما مش بتضايق حد، ومش بتختاب حد، ومش بتنم على حد، ومش بتأذي حد، تعمل اللي هي عايزاه".