ياسمين عز تهاجم فكرة “رخصة الجواز”: «هنمتحن الراجل في إيه؟!»
علقت ياسمين عز على المقترحات المتداولة بشأن اشتراط حصول الشباب على “رخصة” قبل الزواج، معبرة عن رفضها للفكرة بأسلوب ساخر، متسائلة عن مصير الفتيات في حال تطبيق هذا المقترح.
تساؤلات حول طبيعة الاختبارات
وخلال برنامج «كلام الناس» على قناة MBC مصر، طرحت تساؤلات حول طبيعة الاختبارات التي يمكن أن يخضع لها الشباب، معتبرة أن الفكرة غير منطقية، وقالت: «حد اقترح إنه الشباب لازم ياخدوا رخصه للجواز قبل ما يتجوزوا طب والبنات تعمل ايه بقا تخش بطولها منغير رخصه»، مضيفة: «طب إيه يعني عايزين الراجل يبقى بيعرف يعمل إيه ،دي رخصة لأيه يعني ما هو يعرف كل حاجه وعنده فكره عن كل حاجه، أنا همتحنه في أيه أقول له دوق الرز شايط ولا لا».
رفض كامل للفكرة والمطالبة بالمساواة
وأعربت عن رفضها التام لهذا الطرح، مؤكدة أنه غير مناسب للمجتمع، وقالت: «كلام أنا مش حباه خالص الشاب المصري عندنا جاهز من مجاميع وهو بنفس الرخصه ومش محتاج ياخد رخصه ده هو يقعد ويعمل امتحان ويدي للناس رخصة وأنا مش قابله الكلام ده وهنعمل نفسنا مسمعناش الكلام ده يا إما نعمل مساواه».
تعليق على الأوضاع الاقتصادية والزواج
كما أشارت إلى صعوبة الأوضاع الحالية، معتبرة أن فكرة فرض شروط إضافية قد تزيد من تعقيد مسألة الزواج، قائلة: «وبعدين الراجل أصلا خلقه في مناخيره ومش لاقي يتجوز اعملوا الكلام ده في البلاد البارده في روسيا أو سويسرا معندناش أصلا حد هيتجوز».
وواصلت حديثها بأسلوب ساخر، متسائلة عن إمكانية تطبيق نفس الفكرة على الفتيات، مضيفة: «طب ما نشوف البنت بتعرف تحشي المحشي ايه قد اختها ولا لا ولو جوزها زعل منها هتعمل ايه ونديها اختيارات ونوقعها، ولا هو الراجل بس، ياريت محدش يتكلم في الموضوع ده تاني ياجماعة الكلام مش عاجبني».
