هدير عبد الناصر لـ"وشوشة": مريم وولاء مختلفتان تمامًا وسعيدة بالعمل مع أحمد العوضي

كشفت الفنانة هدير عبد الناصر في تصريح خاص لـ"وشوشة"عن تجربتها في مسلسلها الأخير، موضحة كيف تمكنت من التفرقة بين شخصياتها المختلفة في العمل، وما جعل كل دور مميز بطريقته الخاصة.

وتابعت هدير عبد الناصر في تصريحها الخاص لـ"وشوشة": “هو الاتنين في نفس الموسم بس الاتنين مختلفين تماماً عن بعض، ظروفهم حياتهم وشكلهم كمان".

وأضافت هدير عبد الناصر قائلة:"مريم محجبة ولاء شعرها كيرلي وفانكي ولذيذة، وده بيساعدني كممثلة إني أعرف أفصل ما بين ولاء وما بين مريم".

واستكملت هدير عبد الناصر قائلة: "طبعًا أنا مبسوطة جدًا إني شاركت النجم الكبير أحمد العوضي، وكمان شغلي كله كان مع النجم الجميل عصام السقا اللي بشكره جدًا على المشاهد الرائعة اللي صورناها، وحبيت كواليس العمل جدًا".

وأردفت هدير عبد الناصر قائلة:"مريم طول المسلسل كانت بتحاول تمشي في طريق الخير، لكن للأسف ده محصلش غير لما حصلت حاجة كبيرة في حياته هزته وهزت الأم كمان، وده اللي خلاه يفوق".

وعن مشهد وفاة الابن الذي أثار ردود فعل كبيرة لدى المشاهدين، قالت هدير عبد الناصر: “المشهد ده فعلاً كان صعب جدًا، وكمان صورته أول يوم تصوير ليا في المسلسل".

واختتمت هدير عبد الناصر حديثها قائلة:"حاولت أدخل جوا شخصية مريم على قد ما أقدر، وأحس إيه اللي هتحسه وهي في المستشفى قدام ابنها المتوفى وجوزها موجود واللي تسبب في ده حاولت أقرب على قد ما أقدر عشان أنقل مشاعرها للناس، وأتمنى إني أكون وفقت في ده".

كوكبة نجوم في مسلسل الست موناليزا

ويضم مسلسل الست موناليزا نخبة كبيرة من النجوم، إلى جانب مي عمر، حيث يشارك في بطولته كل من شيماء سيف، أحمد مجدي، وفاء عامر، إنجي المقدم، چوري بكر، سوسن بدر، سما إبراهيم، وهو ما يعزز من قوة العمل فنيًا وتمثيليًا، خاصة مع تنوع الأدوار والخطوط الدرامية.