سامح حسين: الصيام والتقوى زاد الإنسان والصدقة رصيد يبقى بعد الوفاة
أكد الفنان سامح حسين أن الصيام والتقوى هما الزاد الحقيقي للإنسان في الدنيا والآخرة، مشيرًا إلى أن التمسك بمخافة الله يمنح الفرد الطمأنينة ويفتح أمامه أبواب الرزق وينجيه من الشدائد.
الصيام كنز لا يقدر بثمن
وخلال برنامجه “قطايف” المذاع عبر قناة “ON”، أوضح سامح حسين أن الصيام من أعظم العبادات التي ينبغي استثمارها، مستشهدًا بحديث النبي صلى الله عليه وسلم الذي يوضح مكانة الصيام وفضل الجزاء الخاص به.
الصدقة والعمل الصالح رصيد للآخرة
ودعا حسين إلى الإكثار من الصدقات وأعمال الخير، معتبرًا أن ما يظل مع الإنسان بعد وفاته هو أثر ما قدمه في سبيل الله، مؤكّدًا أن العمل الصالح هو الاستثمار الحقيقي الذي يبقى أثره للإنسان في حياته وبعد مماته.
وفي وقت سابق، قال الفنان سامح حسين: "العروسة اللي لو اتقدمتلها تقولك مش هوافق عليك غير لما تجبلي دوبلكس سيبها وهتلاقي غيرها عادي توافق تتجوزك في شقتك الـ 70 متر، والعريس اللي عايزك تخسي 30 كيلو علشان يكمل الجوازة سيبيه وهيجيلك حد يحبك زي ما أنت منغير ما يحاول يغير فيكي حاجة".
وتابع حسين، خلال تقديمه برنامج “قطايف”: “مش بقولكم متحلموش، لكن لازم نعمل ده علشان نفسنا وننجح علشان نفسنا مش علشان نكون أحسن من زمايلنا وأصحابنا، لا لازم نسعى إننا نكون أحسن من أخر نسخة لنفسنا، لازم نسعى ونفضل نسعى ومنوقفش سعي لكن علشان نفسنا”.
وواصل: “وأنت لما تشجع عيالك لازم علشان ينجحوا لنفسهم، مش علشان بتقارنهم بقرايبهم مفيش منافسة في الرزق لأن ده بتاع ربنا، ما عند الله لا يؤخذ بمعصيته، علشان تاخد اللي عند ربنا لازم تعمل شغلك بما يرضي الله وسيب التقييم على ربنا”.
وفي سياق متصل، وجه الفنان سامح حسين رسالة إلى جمهوره من خلال فيديو نشره عبر حسابه الرسمي على موقع “فيسبوك”، قبل شهر رمضان المبارك، قائلا: “كل سنة وأنتم طيبين ورمضان كريم علينا كلنا”.