درة تنفي خلافات بوستر "علي كلاي": "مش بتاعة مشاكل ومكانتي معروفة"
نفت الفنانة درة صحة ما تردد بشأن وجود خلافات بينها وبين الشركة المنتجة لمسلسل “علي كلاي” حول ترتيب الأسماء أو موقعها على بوستر العمل، مؤكدة أن هذه الأنباء غير صحيحة تمامًا.
وقالت درة، خلال مداخلة هاتفية لها في برنامج “إحنا لبعض” مع نهال طايل المذاع عبر شاشة “صدى البلد”: “لا، الكلام ده مش حقيقي خالص ومحصلش، أنا ليا مكانتي، ومسيرة الفنان ومكانته هما اللي بيحددوا موقعه على البوستر، وأنا مش بتدخل في الحاجات دي ومش بتاعة مشاكل، الكلام ده غير صحيح تمامًا، وبحب زمايلي كلهم الموجودين في العمل وبتمنى النجاح للجميع”.
وأضافت: “لو كنت أعرف إني هتسأل السؤال ده، كنت قلت من الأول إني مش عايزة أجاوب، لأني مش بحب أدخل في المواضيع دي”.
وفي سياق حديثها عن أحداث المسلسل، وجهت درة رسالة للجمهور قائلة: “تابعوا مسلسل علي كلاي، الصراع ما بين ميادة وعلي لسه هيزيد أكتر من كده، وإن شاء الله يعجب الناس، وأتمنى المسلسل يبقى جماهيري ويحقق نجاح كبير”.
وفي سياق أخر، نفى النجم أحمد العوضي ما تردد من شائعات حول حدوث خلافات في كواليس تصوير مسلسل “علي كلاي”، عقب البوستر الذي نشرته قناة “أبوظبي”.
وأوضح العوضي، خلال تصريحاته لبرنامج “ET بالعربي”، أن هذه الشائعات غير صحيحة تمامًا، قائلًا: “مفيش أي حاجة حصلت، هو بوستر نزل وبعدين نزل بوستر تاني، وأنا أصلًا مركزتش في الموضوع، والموضوع عدى عادي جدًا ومحصلش أي مشاكل”.
