يمنى عاطف: السعي والشكر والتوكل مفاتيح الرزق.. والتواكل وحده لن يجلب لك شيئًا
قالت الإعلامية يمنى عاطف إن الرزق يأتي من الله عن طريق السعي والشكر والتوكل، مشيرة إلى أن الرزق لن يأتي دون هذه الخطوات الثلاث.
برنامج “خروج آمن”
وأوضحت عاطف، خلال حلقة اليوم الخميس من برنامج “خروج آمن” المذاع عبر شاشة “النهار”، أن المجتمع الغربي يؤمن بأن هناك قوى عظمى تتوج السعي بالنجاح، قائلة: “الكلام ده فكرني بمقولة الشيخ الشعراوي لما قال ذهبت إلى الغرب فوجدت إسلامًا بلا مسلمين، وده بيدل على قد إيه هما بيسعوا وعارفين إن ربنا هيرزقهم نتيجة للسعي ده”.
وأضافت: “لازم يبقى عندك يقين إن ربنا هيرزقك، لكن تسعى وتتوكل على الله، لأن التوكل من غير سعي مش هيجيب رزق، حتى لو بينك وبين رزقك خطوات بسيطة”.
وتابعت يمنى عاطف: “الشكر نعمة كبيرة، وربنا قال إن اللي بيشكروا قليلين، ولازم نهتم إننا نشكر ربنا على الرزق اللي موجود علشان يزيدنا من فضله”.
كما أشارت إلى أن الصدقة أيضًا تعد أحد أهم خطوات الرزق، مضيفة: “في ملائكة كل يوم بتنزل من السماء وتدعي للمتصدق، كمان علم النفس بيقول إن العطاء بيفرز هرمون ترابط وهدوء وده بيخلي الإنسان هادئ جدًا وقراراته أحسن”.
وواصلت: “لازم تفرق بين الرزق والاستدارج لما تلاقي حد ربنا بيرزقه لكنه هو مش بيعمل حاجة كويسة، لأ ده غلط وده مش رزق”.
