عارفة عبد الرسول تكشف لـ”وشوشة” تفاصيل دورها في “حكاية نرجس”

كشفت الفنانة عارفة عبد الرسول عن تفاصيل دورها في مسلسل “حكاية نرجس” بطولة الفنانة ريهام عبد الغفور، والمقرر عرضه ضمن موسم دراما رمضان 2026، مؤكدة أنها تجسد شخصية حماة تبدو عادية في ظاهرها، لكنها شديدة الذكاء والملاحظة حيث يأتي ذلك في إطار درامي مشوق.

وفي تصريح خاص لـ”وشوشة”، قالت عارفة عبد الرسول: “أنا طالعة في “حكاية نرجس” حماة ريهام عبد الغفور وطبعًا هو دور عادي، زيه زي أي أم أي حماة بس الاختلاف هنا إن الحماة ذكية جدًا عاملة زي المفتش كرومبو كدا، بتقعد تجمع النقط على الحروف وتسأل نفسها وتفكر وعايزة تكشف الكذب اللي بتكذبه الفنانة ريهام عبد الغفور، لأنها تبان طيبة ولطيفة والناس بتحبها، بس هي حماتها الوحيدة اللي حاسة إن البنت دي وراها سر، فبتقعد تنكش على السر ده بذكاء ودهاء شديد جدًا، ده دور جميل أوي وحمسني جدًا إني أعمله”.

أما عن كواليس العمل وتعاونها مع فريق المسلسل، أضافت: “إنتي تدخلي علينا الكواليس في أي وقت متلاقيش حد في أوضته، كلنا متواجدين في غرفة واحدة سواء في وقت البريك أو بنراجع المشهد مع بعض، لو دخلتي علينا هتلاقينا بنضحك مع بعض، واللي حاطة دماغها على رجل دي واللي حاضنة دي، منظرنا غريب بنظبط الدنيا مع بعض في ظل التلج وإحنا بنشتغل في وقت متأخر علشان نلحق الشروق، الفوارق كلها دابت ومبقاش في مين بيعمل إيه، بقينا كلنا شخصية واحدة”.

قصة مسلسل "حكاية نرجس"

يتناول قضية حساسة ونادرة في الدراما المصرية، وهي الألم الصامت الذي تعانيه النساء بسبب تأخر الإنجاب، وتأثير ذلك على حياتهن الزوجية والنفسية.

أبطال وصُناع مسلسل "حكاية نرجس"

يشارك في العمل نخبة من النجوم منهم حمزة العيلي، تامر نبيل، سماح أنور، دنيا ماهر، بسنت أبو باشا، أحمد عزمي، عارفة عبد الرسول، فيدرا إلى جانب فريق عمل متميز من تأليف عمار صابر، وإخراج سامح علاء، وإنتاج محمد مشيش بالتعاون مع المتحدة ستوديوز.