أحمد السقا يكشف سر طرده من أول محاضرة في الجامعة
كشف الفنان أحمد السقا عن كواليس طريفة من أول أيامه في الجامعة، مشيرًا إلى أنه تم طرده من أول محاضرة في أول يوم له، في واقعة لم ينساها حتى الآن.
الطرد من أول يوم جامعة
وفي خلال السطور التالية، يرصد لكم موقع “وشوشة” أبرز تصريحات الفنان أحمد السقا، خلال استضافته في بودكاست "فضفضت أوي" مع الإعلامي معتز التوني، والمذاع عبر منصة "Watch It"، حيث قال السقا إن أول محاضرة حضرها كانت للدكتور جلال الشرقاوي.
سؤال أربك القاعة
وأوضح السقا تفاصيل الموقف قائلًا: "الدكتور جلال الشرقاوي أول حاجة عملها لما دخل المحاضرة سأل: مين فيكوا ابن صلاح؟ فأنا طبعًا استغربت وقلت مش أنا، لأن اسم بابا محمد صلاح مش صلاح بس، وسأل تاني: مين فيكم ابن صلاح؟ وهنا بدأت الناس تبص لي، لأننا كنا اتعرفنا على بعض، وبعدين سأل للمرة التالتة: مين فيكم ابن صلاح السقا؟".
لحظة الاعتراف والقرار الصادم
وتابع أحمد السقا: "أنا اتكسفت كده ورفعت إيدي وقلت له: أنا، قال لي: طيب شايف الباب اللي هناك ده يا حبيبي؟ اطلع منه وما أشوفكش لآخر السنة، ولو طلعت من سنة أولى هديك البكالوريوس".
تحفيز أم سوء فهم؟
وأضاف السقا معلقًا على الموقف: "أنا بصراحة ما أعرفش هو كان بيقول لي الكلام ده تحفيز ولا إيه، خصوصًا إن بابا كان ماسك منصب وقتها، فالكلام بقى كتير واتفهم غلط".