بشرى: زملاء المهنة "عدو حليف وصديق لدود"!
وصفت الفنانة بشرى زملاءها في الوسط الفني بأنهم "عدو حليف أو صديق لدود"، مشيرة إلى طبيعة العلاقة المعقدة التي تجمعها بزملائها في مهنة التمثيل.
الرمادي يميزنا.. لسنا أبيض أو أسود
وتابعت النجمة بشرى، خلال استضافتها في بودكاست "ابن كارك" مع الإعلامي كريم خطاب، المذاع عبر موقع التواصل الاجتماعي يوتيوب، قائلة :"زمان كانت في جملة بتعجبني بتقول: إحنا محتاجين الديكتاتور العادل، وأنا بشوف إن اللون الرمادي بيميزنا جدًا، إحنا مش أبيض وأسود، لأ إحنا في النص، وهي دي ثقافتنا ولا تصرفاتنا".
وأكدت أن الوصف الذي يقع في المنتصف بين كلمتين واضحتين هو الأدق لكل ما يدور في حياة الإنسان، موضحة أنه لا يوجد شيء مطلق في هذه الحياة.
الزميل عدوك وحليفك في نفس الوقت
وأضافت بشرى:"في مهنتنا دي، ابن كارك هو عدوك وفي نفس الوقت هو حليفك، وإحنا عندنا تكافل اجتماعي ومهني مش موجود في وظايف تانية، يعني تكافلنا مع بعض والنقابة معانا في الحاجات الكويسة والحاجات الوحشة".
وتابعت:"حتى لو في حد أنت مش بتحبه ، أو دمه تقيل على قلبك، بس برضه بنبقى مع بعض".
لا يوجد وصف واحد لهذا الوسط
واختتمت النجمة بشرى حديثها قائلة:"الوسط ده كله مع بعضه، لكن ما تقدرش توصفه، لأن كل حاجة في الدنيا فيها الحاجة وعكسها، بس اللي بيميزنا هو الرمادي، الحاجة المحايدة، وده موجود كتير جدًا في الوسط بتاعنا".