حازم إيهاب: هشام ماجد مش بس نجم ده بيصنع نجوم
كشف الفنان الشاب حازم إيهاب عن كواليس دوره في مسلسل أشغال شقة، بطولة الفنان هشام ماجد والنجمة أسماء جلال.
وخلال السطور التالية، يرصد لكم موقع "وشوشة" أبرز تصريحاته خلال استضافته في برنامج "لمن يهمه الفن" مع الإعلامية أميرة نور، المذاع عبر إذاعة نغم إف إم.
سعادة كبيرة بالمشاركة في مسلسل أشغال شقة
أعرب حازم إيهاب عن سعادته الكبيرة بالمشاركة في مسلسل أشغال شقة، مؤكدًا أن التجربة كانت مختلفة ومؤثرة على المستوى الفني.
إشادة خاصة بهشام ماجد
وأشاد حازم إيهاب بالنجم هشام ماجد، قائلًا:"هشام ماجد فنان كبير بجد، وأنا بحبه أوي، هو مش بس فرق في حياتي، ده فرق كمان في حياة مصطفى غريب، وبرضه فرق في حياة أسماء جلال، وهو نقي جدًا وطيب، وكمان فرق في حياة المخرج خالد دياب".
"ياريت كل الناس تبقى زيه"
وأضاف:"أنا أول مرة تيجي لي فرصة أقول الكلام ده، بس بجد علشان ماجد، يا ريت كل الناس تبقى زيه، هو فعلًا بيزود في جمل اللي قدامه، وبيساعد الممثل اللي معاه في المشهد، وبيخليه يطلع أحسن ما عنده".
موقف لا يُنسى من كواليس التصوير
وروى حازم إيهاب موقفًا من كواليس أحد مشاهد مسلسل أشغال شقة، قائلًا:"فاكر في مشهد كان وكيل نيابة بيظهر، وكان واقف مش بيقول حاجة. هشام بص لي وقال لي: هو إنت ساكت؟ مالكش كلام؟ قلت له: لا، أنا المفروض أطلع ساكت في المشهد ده".
وتابع:"قال: لا، ثانية يا جماعة معلش، هناخد بريك ثانية، وفتح السيناريو وبدأ يبص على الكلام، علشان يشوف هيضيف إيه في المشهد، بحيث شخصية كريم وكيل النيابة ما تبقاش ساكتة، وتبقى بتتكلم".
وأكد حازم إيهاب أن هذا الموقف يعكس مدى حرص هشام ماجد على دعم زملائه، وإيمانه بأن نجاح المشهد يعتمد على تفاعل جميع الممثلين، وليس على البطل فقط.