خالد النبوي: الإلتزام قبل الموهبة… وهكذا يصنع الفنان مصيره

أعرب الفنان خالد النبوي عن قناعته بأن الالتزام يأتي قبل الموهبة في مهنة التمثيل، وذلك خلال استضافته في بودكاست حوارات مع عباس المذاع عبر موقع التواصل الإجتماعي "يوتيوب" ويقدمه الفنان عباس ابو الحسن.

الالتزام أولًا… قبل أي موهبة

قال الفنان الكبير خالد النبوي:"الالتزام قبل الموهبة في التمثيل. لازم الفنان يجي قبل ميعاده، ويجي حافظ المشهد اللي هيقوله، وعنده أفكار كمان مختلفة، وكمان فاهم المشهد، وفاهم هيجي إزاي، وفاهم هيقدمه إزاي."

الموهبة هبة… والإنسان يصنع مصيره

وأضاف النبوي:"الموهبة هي هِبة أو نعمة من عند ربنا، لذلك ما أقدرش أتكلم عنها ولا ليا دعوة بيها.
أنا أتكلم عن اللي أنا عملته… أتكلم عن اللي أنا بشارك بيه في صنع مصيري."
وتابع:"يعني في نفس أمارة بالسوء بتاخدني في حتة المفروض أنا أمنعها وأهذبها، وأقول لها لا… إنت لازم لك روتين ونظام وعدد ساعات عمل."

تهذيب النفس والالتزام… مفتاح النجاح

وأكد الفنان الكبير خالد النبوي أن الالتزام وتهذيب النفس هما أحد أهم عوامل نجاح الإنسان بصفة عامة، ونجاح الفنان بصفة خاصة في مهنة التمثيل.

التمثيل مسؤولية تجاه الآخرين

وقال النبوي:"كمان في مهنة التمثيل إنت مرتبط بأشخاص آخرين... اعتبرها خطوة، اعتبرها التزام، اعتبرها زي ما تعتبرها… ما ينفعش الممثل يقول أنا من حقي أروح في أي وقت.
لا، في ناس مستنياك، ولازم تيجي قبل ميعادك حافظ ومجهز كل حاجة.
ومهما كنت نجم كبير، ما ينفعش تقعد في البروفة ماسك تليفونك."