محمد عبد الرحمن: 80% من الكوميديا في الأصل تنمر

تحدث الفنان الشاب الكوميدي محمد عبد الرحمن عن أحلامه الطفولية، مؤكدا أنه كان يريد أن يكون طيارا.

وخلال السطور التالية ينقل لكم موقع “وشوشة” أبرز تصريحاته خلال استضافته في برنامج "الستات" المذاع عبر شاشة “النهار”، وتقدمه الإعلاميات سهير جودة ومفيدة شيحة.

وأكد الفنان محمد عبد الرحمن أنه عندما قال لأصدقائه إنه يريد أن يكون طيارا، واجه تعليقات كوميدية حملت نوع من التنمر، قائلا: “صحابي قالولي، أنت إزاي تبقى طيار؟، أنت لو بقيت طيار، الطيارة هتاخدك وتقع، لأني كنت تخين وقتها، بس أنا ما اعتبرتش ده تنمر، وأخدت التعليق فضلت أضحك عادي ماحستش إن ده تنمر، كانت خفة دم بالنسبالي، ما كانش لسه ظهر مصطلح التنمر، ولا كان الهزار ده بيتاخد على محمل التنمر وقتها”.

أحلام الطفولة من الطيران إلى الصيدلة

وأوضح الفنان محمد عبد الرحمن أنه بعد فترة، تغيرت نظرته لحلمه، قائلا: “فكرة إني أبقى طيار اتغيرت، وقررت إني عايز أبقى صيدلي، ومشيت في الطريق ده، ودخلت ثانوي عام علمي علوم، وقررت إني هكون صيدلي”.

وتابع: “ذاكرت واجتهدت جدا في تانية ثانوي، واخترت أدرس أحياء من أول تانية ثانوي مش تالتة زي الطبيعي، وكنت مركز جدا وبذاكر وأجتهد وأسهر، لكن تغيرت تماما في تالتة، وبقيت طالب بيهرب من الدروس ومش بيذاكر”.

وفي سياق حديثه عن التعليقات التي واجهها من زملائه بشأن أحلام طفولته، سواء حلمه بأن يكون طيارا أو صيدليا.

اختتم الفنان الكوميدي الشاب محمد عبد الرحمن حديثة مؤكدا أنه لم يعتبر هذه التعليقات نوع من أنواع التنمر، بل رآها ردودا كوميدية، مضيفا: “على فكرة أنا بشوف إن الكوميديا فيها شيء من التنمر بنسبة كبيرة جدا تعتبر الغالبية، يعني الكوميديا 80% تنمر، آه في حاجات تانية في الكوميدي، لكن أغلب الكوميديا فيها جزء كبير جدا تنمر، يعني لما بتطلع تقدم عمل متعلق على واحد مثلا فهمه بطيء أو عنده أي مشكلة ما هي دي حاجة بتضحك، لكنها في جوهرها تنمر”.