كريم الحسيني: "بطلت مسرح شوية عشان أركز في السينما"
أعرب الفنان كريم الحسيني عن سعادته الكبيرة بحضور العرض الخاص لفيلم “أوسكار – عودة الماموث”، مؤكدًا أنه متفائل جدًا بنجاح الفيلم الذي وصفه بأنه تجربة مختلفة وغير مسبوقة في السينما المصرية والعربية.
وقال كريم الحسيني في لقاء خاص لـ" وشوشة “ : “أنا بقالي فترة مقصر في التواجد في الفعاليات الفنية وده غصب عني، لأن بيكون عندي شغل كتير، بس قولت كفاية كده.. لازم أروح أشوف زمايلي ونتفرج ونعرف إيه الموضوع، البرومو بتاع الفيلم حلو جدًا وإن شاء الله يطلع حاجة جميلة بإذن الله”.
ترك المسرح مؤقتًا من أجل السينما
أوضح كريم الحسيني أنه قرر التفرغ مؤقتًا للسينما بعد فترة من التركيز في المسرح، مشيرًا إلى أن الموازنة بين الاثنين أصبحت صعبة في الوقت الحالي.
وقال:“بطلت مسرح شوية عشان أركز في السينما، لأن لما الواحد بيحاول يوازن ما بين المسرح والسينما بيحس إن حاجات بتفلت منه كنت بقالي سنين مركز في السينما والناس كانت بتسألني فين من المسرح، ولما ركزت في المسرح الناس قالت فينك من السينما".
وأضاف كريم الحسيني: “نفسي الزمن يرجع زي زمان، لما كان الفنانين بيقدروا يجمعوا بين التلاتة أو الأربعة، المسرح، السينما، التلفزيون، والراديو.. الجيل القديم زي عادل إمام، نور الشريف يحيى الفخراني، ومحمد صبحي، كلهم كانوا أساتذة في ده كل واحد فيهم كان ليه مدرسة ونور الشريف كان فاهم يعني إيه جمهور، وإحنا بنشتغل أصلاً عشان الجمهور”.
فيلم أوسكار - عودة الماموث
من ناحية أخرى، أثار فيلم “أوسكار – عودة الماموث” حالة من الجدل والإعجاب بعد طرح الإعلان الرسمي الأول له مؤخرًا، إذ يعد العمل أضخم إنتاج سينمائي في الشرق الأوسط وأول تجربة من نوعها في مصر والعالم العربي من حيث المؤثرات البصرية والخيال العلمي.
ويظهر الإعلان مشاهد تجمع بين الدراما والأكشن والكوميديا حيث تظهر مخلوقات عملاقة منقرضة تجوب شوارع المدينة، وسط مطاردات مثيرة وصراعات ملحمية توحي بأن الجمهور سيكون أمام تجربة مختلفة تمامًا عن السائد في السينما المصرية.
ومن المقرر أن يطرح الفيلم في دور العرض يوم الأربعاء المقبل، مع خطط لعرضه في دور السينما العالمية، في خطوة تعد غير مسبوقة وتفتح الباب أمام انطلاقة جديدة لصناعة السينما العربية.
أبطال وصُنّاع فيلم أوسكار - عودة الماموث
يذكر أن فيلم “أوسكار – عودة الماموث” من إنتاج شركة بيراميدز للإنتاج الفني (محمد الشريف) وشركة تريند (محمد طنطاوي)، وفكرة كريم هشام، وقصة أحمد حليم، وسيناريو وحوار مصطفى عسكر وحامد الشراب، وإخراج هشام الرشيدي.
ويشارك في بطولته عدد كبير من النجوم أبرزهم: أحمد صلاح حسني، هنادي مهنا، محمد ثروت، الطفلة ليا سويدان، وأحمد البايض.
الفيلم يجمع بين الخيال العلمي والمغامرة في توليفة جديدة على السينما العربية، ما يجعله من أكثر الأعمال المنتظرة في موسم الخريف السينمائي لعام 2025.