من بائع ألعاب لـ "باشا مصر".. أبرز تصريحات أمير كرارة في "صاحبة السعادة"
خلال استضافته في برنامج "صاحبة السعادة" المذاع عبر قناة DMC مع الإعلامية إسعاد يونس، تحدث الفنان أمير كرارة عن محطات مختلفة في حياته الفنية والشخصية، وجاءت أبرز تصريحاته كالتالي:
1. شعرت برعب حقيقي وأنا بحضر لشخصية الشهيد أحمد المنسي في الاختيار، المسؤولية كانت مرعبة.
2. التحضير للدور تطلب دراسة دقيقة لكل تفاصيل حياة المنسي من كلامه لحركاته وخلفيته العسكرية.
3. أصعب المشاهد كانت المعارك، خصوصًا مشهد استشهاد المنسي، استنزفني جسديًا ونفسيًا.
4. مقابلة أسرة الشهيد وأولاده كانت نقطة فاصلة في حياتي، وقتها حسيت بحجم الأمانة.
5. المشاهد العاطفية كانت أصعب عليّ من الأكشن، لأنها محتاجة مشاعر حقيقية من غير مبالغة.
6. نجاح الاختيار كان توفيق من ربنا ثم إخلاص فريق العمل بقيادة بيتر ميمي.
7. تجربة الاختيار علمتني قيمة التضحية والوفاء، وهتفضل أهم محطة في حياتي.
8. اشتغلت بائع ألعاب في خان الخليلي في فترة صعبة علشان أجيب فلوس.
9. "التجربة علمتني الصبر وفهمتني قيمة الجنيه والشارع المصري.
10. اشتغلت كمان في معرض الموبيليا مع والدي، وكنت بعرف أنواع الخشب كويس.
11. لو ماكنتش ممثل، ممكن كنت استمريت في تجارة الموبيليا.
12. دخولي مجال التمثيل والإعلانات حصل بالصدفة مش بخطة مسبقة.
13. كل تجربة في حياتي، حتى الصعبة، ساعدت في تكوين شخصيتي وفهم النجاح.
14. فيلم الشاطر أول مرة أعمل كوميدي أكشن.
15. كنت خايف جدًا من الشاطر، وقلت يا صابت يا خابت.
16. التصوير كان ممتع جدًا، وكنت مبسوط وأنا شغال لدرجة إننا اتزعلنا لما خلص.
17. هنا الزاهد كانت إضافة قوية للفيلم، ووصفتها بـ(حتة سُكرة).
18. كان في كيمياء واضحة بين أبطال الفيلم، وده سر خفة دم العمل.
19. أنا في حيرة بين الاستمرار في الكوميدي أكشن أو أرجع للأكشن الصافي.
20. بستعد لمسلسل جديد من 10 حلقات بعنوان النداهة.
21. المسلسل الجديد بعيد عن الأكشن والكوميديا، وبيعتمد على الرعب النفسي.
22. المخرج قالي: شكلك مختلف تمامًا وملامحك متغيرة، واعتبرت ده تحدي جديد.
23. التغيير ضروري عشان الفنان ينجح ويتطور، وأنا بحاول أطلع بشكل مختلف في كل عمل.