أبرز 10 تصريحات للمخرج خالد جلال في برنامج "معكم منى الشاذلي"
حل المخرج خالد جلال ضيفًا في برنامح " معكم منى الشاذلي"، وتحدث في اللقاء عن تجربته داخل مركز الإبداع الفني بدار الأوبرا المصرية وكيف تحول لمنجم لنجوم الوسط الفني.
وجاءت أبرز تصريحاته كالتالي:-
1- بدأت من مسرح الجامعة، وبعد ذلك دخلت المعهد العالي للفنون المسرحية، وحصدت جائزة الدولة للإبداع.
2- مجموعة من الشباب المصريين فازوا بجائزة الأسد الذهبي في فينيسيا، وهذه أول مرة لمصريين شباب أن يكسبوا الجائزة هذه.
3 - أخرجت مسرحية وأنا هناك، "حلم ليلة صيف" لشكسبير، وكنت المنتج، وقتها قالوا" ده عنده مَلَكة تانية جنب الفن، قدر ينتج العرض ده وهو هناك".
4- لما رجعت مصر، قالولي إن السيد فاروق حسني قرر أنك تتولى إدارة مسرح من مسارح الدولة، ووقتها كان عندي 27 سنة.
5- الثقة اللي اتبنت… خلتني أبني الطريقة اللي بشتغل بيها "إزاي تبقى مختلف، أسرع، وأكتر فاعلية".
6- عملت ورشة اسمها "مصنع الشباب"، كانت تابعة لمسرح الشباب، ومكنش ليه دار عرض، كان مكشوف في عز البرد.. ولا يوجد به تكييف في عز الحر.
7- استطعنا بعد سنتين كسب المهرجان التجريبي الدولي، وخدنا أفضل عرض من بين 56 دولة.
8→ عمري ما اشتغلت بميزانية كبيرة، لأني خارج من مسرح الجامعة، اللي طالعين من مسرح الجامعة الملكة الأساسية عندهم هي "التصرف" بيدوك 500 جنيه وبيقولولك اعمل مسرحية.
9- كان معايا خالد الصاوي، وخالد صالح، ونادر صلاح الدين، وأحمد عبد الله، كنا بنعمل مع بعض مسرح بملاليم، وكان مؤثر تأثير رهيب.
10- قلة الإمكانيات بتخلي الفنانين يبتكروا حلول.
١١- أفكار مسرحية "حواديت" كانت أفكارهم.. اللي عنده ماتريال كتير، بيبتكر أكتر.
12- أنت بتكتسب أرضك بإيدك وبإبداعك ..لو عندك إبداع أكتر وأفكار أكتر، بيبقى ليك دور كبير في تشكيل الماتريال اللي بيتبني عليه التمثال الفني.
13- السر في "قهوة سادة"، وسلم نفسك، و"بعد الليل"... إنك بتعمل اللي إنت طلعت فكرته بنفسك.