أحمد السقا : "أنا انفعالي بس عمري ما مديت إيدي على حد"

كشف الفنان أحمد السقا عن جانب إنساني وشخصي من طباعه، مؤكدًا أنه رغم اندفاعه في بعض المواقف، إلا أن ضبط النفس كان دائمًا حاضراً في تصرفاته.، وقال السقا بصراحة: "أنا عمري ما مدت إيدي على حد الحمدلله.. ممكن أبان انفعالي زياده عن اللزوم، لكن مش بتجاوز".

السقا أوضح خلال لقاء خاص عبر برنامج"حبر سري" المذاع عبر القاهرة والناس، أن شخصيته تُفهم أحيانًا بشكل خاطئ بسبب تعبيره الواضح عن مشاعره، وأضاف: "أنا بان شخصيه اندفاعيه وانفعاليه، وده بيخليني أظهر بشكل حاد أوقات، لكن الحقيقة إن أنا ضد الاشتباك تمامًا". وشدد على أن الخلاف لا يعني العنف، وأنه يفضل دائمًا حل الأمور بالحكمة والهدوء مهما بلغ الغضب.

أشار إلى أن انفعاله في بعض المواقف لا يعني ضعف في السيطرة على نفسه، بل هو ناتج عن حساسيته الزائدة وحرصه على من حوله.، وقال: "أنا ساعات بغير على الناس اللى بحبهم أكتر من نفسى، وده بيخلينى أبان عصبي، لكن نيتي دايمًا طيبة".

واختتم السقا حديثه برسالة واضحة: "كلنا بنغلط وبنندفع، لكن المهم نعرف نراجع نفسنا ونتعلم، وأنا طول عمري بحاول أكون قدوة في التعامل برجولة وأخلاق.. ومفيش حاجة اسمها القوة في الإيد، القوة في الكلمة والعقل".