نانسي صلاح لـ"وشوشة": شخصيتي في "اتنين قهوة" قريبة جدًا مني

أعربت الفنانة نانسي صلاح عن سعادتها الكبيرة بمشاركتها في مسلسل "اتنين قهوة"مشيرة إلى دورها في العمل حيث قالت:"انا اسمي فيه شريفة  انتيمة مرام  انتيمتها واختها والعلاقة جميلة  وبعدين هنعرف اللي هيحصل بعد كدة  عشان في حاجات هتحصل  بس عايزة اقولكوا ان إن شاء الله مسلسل اتنين قهوة إن شاء الله هيعجب كل الناس".

نانسي صلاح: شخصيتي في "اتنين قهوة" قريبة جدًا مني

وعن التعاون مع فريق العمل تحدثت:" بالنسبة للتعاون مع المخرج عصام نصار والكاتب عمرو محمود ياسين والممثل أحمد فهمي وأحمد شامي وحازم إيهاب ومرام علي على كل الناس الجميلة دي  دي انا مبسوطة جداً بالشغل معاكم وإن شاء الله هتشوفوا حاجة حلوة وعمرو محمود ياسين كاتب مسلسل فوق الرائع بجد عايزة اوجه كل الشكر لكل القائمين عليه وإن شاء الله تشوفوا حاجة حلوة".

عن  تعاونها  مع  أحمد فهمي قالت :" انا بحبه جداً على المستوى الشخصي والفني واحنا أصدقاء جداً انا وفهمي اشتغلنا مع بعض قبل كدة عملنا مسلسل اسود فاتح وهو ممثل شاطر ومغني جميل وبحب أغانيه وبجد ربنا يوفقه ويكتب له النجاح في العمل دة وإن شاء الله من نجاح لنجاح أكتر لآنه حقيقي محترم وجميل ويستاهل كل خير".

وتابعت عن المسلسل حيث قالت:" انا متفائلة أوي بالمسلسل وحباة جدا وحابة كواليسه وحابة شخصيتي فيه يمكن من اكتر الشخصيات اللي انا مثلتها وانا حقيقي مبسوطة لأن حاسة ان واخد جزء كبير مني انا كشخصية في الحقيقة فيارب مسلسل اتنين قهوة يعجب الناس هو لطيف وقصته حلوة والممثلين اللي فيه كلهم ماشاء الله حلوين وأحمد شامي برضه هتشوفوا أحمد شامي في حاجة حلوة فربنا يكرمنا جميعاً يارب وعايزة أقول حاجة إن مرام علي ممثلة شاطرة جداً وجميلة جداً ولطيفة جداً وانا حبيت جداً الشغل معاها".  

وأختتمت حديثها عن دورها في فيلمها الجديد تحت الطلب:" دوري في تحت الطلب انا دكتورة أطفال في نفس المستشفى اللي بيشتغل  فيها الدكتور اللي هو سامح حسين وهيحصل مابينا برضو حاجات لطيفة قوي هتحبوها وانا اتبسطت جدا بالتعاون مع سامح حسين هو إنسان لطيف وقد ايه هو بجد حد شاطر جداً واتبسطت جدا في التصوير معاه".

أبطال فيلم تحت الطلب

وفيلم تحت الطلب بطولة سامح حسين، ونانسي صلاح، ومحمد رضوان، سامي مغاوري، إسماعيل فرغلي، إبرام سمير، محمد توب، وسليمان عيد، والعمل من تأليف وسام حامد، وإخراج هاني حمدي.

آخر أعمال نانسي صلاح

وحققت نانسي صلاح  نجاحًا كبيرًا خلال  مشاركتها بـ السباق الرمضاني الماضي لعام 2024 بـ مسلسل بـ 100 راجل بطولة الفنانة سمية الخشاب والذي شارك بجانبها عدد من الفنانين من بينهم: الفنان محمود عبد المغني، باسم سمرة، سلوى خطاب، صلاح عبد الله، إبراهيم السمان، إيمان يوسف وعدد آخر من الفنانين وهو من تأليف محمود حمدان، وإخراج إبرام نشأت.