تامر أمين يهاجم الشامتين في خسارة الأهلي: "إيه دخلك ومن اللي ندهلك؟"
وجّه الإعلامي تامر أمين رسالة قوية إلى جماهير الكرة المصرية، وخاصة الشامتين في خسارة النادي الأهلي أمام بالميراس البرازيلي، ضمن بطولة كأس العالم للأندية، مؤكدًا أن الهزيمة لا تعني الشماتة، وأن ما حدث من البعض لا يليق بروح الرياضة أو بالانتماء الوطني.
وقال تامر أمين خلال برنامجه "آخر النهار" المذاع عبر قناة النهار، إن حزن جماهير الأهلي مضاعف، ليس فقط بسبب الخسارة، ولكن بسبب الأداء الفردي المتراجع وبعض التصرفات داخل الملعب، مضيفًا: "أنا مقدر زعلهم، لكن اللي مش قادر أفهمه هو فرحة غير الأهلاوية وكأنها مكسب شخصي ليهم".
تعليق تامر أمين
وهاجم أمين الشامتين بقوله: "أنا عايز أسألهم سؤال واضح: إيه قصتكم؟ وإيه دخلكم؟ ومين اللي ندهلكم؟ هو الأهلي لما يخسر بتشمتوا ليه؟ بتفرحوا ليه؟ هو مكسب أو خسارة الأهلي ليه علاقة بمصلحتكم؟".
وأضاف: "لو الزمالك بيلعب في الكونفدرالية وخسر، هل من الطبيعي نفرح؟ هل بقت الهزيمة فرحة عند البعض؟ ليه لما الأهلي يخسر ننسى إنه بيمثل مصر؟ ولا الأهلي بس اللي بتحسبوا عليه كل حاجة؟"، داعيًا الجميع إلى تحكيم العقل والروح الرياضية، والوقوف مع الأندية المصرية في المحافل الدولية دون تعصب أو شماتة.