عليم يكشف لـ"وشوشة" كواليس أغنية آمال ماهر: جات بالصدفة.. وكنت أتمنى أكون ضمن ألبومها
كشف الشاعر عليم عن كواليس وصول إحدى أغنياته الجديدة إلى الفنانة آمال ماهر، مؤكدًا أن الأمر جاء بالصدفة بعد أن ظلت الأغنية لفترة طويلة متداولة بين عدد من الفنانين والمنتجين.
وقال عليم في تصريح خاص لـ"وشوشة": "الأغنية جات بالصدفة للفنانة آمال ماهر، كنت عاملها أنا وصديقي إسلام رفعت، وبعدين راحت لناس كتير جدًا وفضلت مع ناس شوية وكأنهم بيعتذروا عنها، وفي ناس كانوا عايزينها أيام ما كانت مع مطربين تانيين".
وتابع:“أنا اعتذرت عنها في وقت معين، لأنها كانت شبه مباعة لي، لكن بعد ما اعتذروا عنها حد من فريق آمال ماهر كان حاطت عينه عليها، ولما عرف إنها لسه موجودة كلمني وقال إنه عايز يخلص فيها على طول".
وأضاف الشاعر عليم:“انبسطت جدًا لأن كان نفسي أدخل ألبوم آمال ماهر، خصوصًا إن في زمايل ليا موجودين فيه زي الشاعر أحمد المالكي وزوجتي الملحنة نور عز العرب، فكنت حابب أكون معاهم وفرحت جدًا بتحقق دة".
وأردف قائلًا: “إن شاء الله هنتقابل قريب مع آمال ماهر، والخير جاي بإذن الله، ومافيش تحديات حاليا ولكن التحدي الحقيقي كان لما الأغنية كانت مع مطربين تانيين، وكنت بكتب فيها كوبليهات كتير".