إيناس الدغيدي لـ بسمة وهبة: برنامجك فاشل 100%.. و"شيخ الحارة" معايا كان بشياكة!‎

وجهت المخرجة إيناس الدغيدي، رسالة مباشرة إلى الإعلامية بسمة وهبة بشأن برنامج "شيخ الحارة"، مؤكدة أن البرنامج ليس من نوعيتها المفضلة، لكنها قدمته بأسلوبها الخاص.  

وقالت الدغيدي، خلال حديثها في برنامج "العرافة"، المذاع على قناة النهار:"أولًا، ده مش نوع برامجي، وده ممكن يزعلك، لكن أنا بؤمن بالحريات، ومش بعيب على حد ولا بضايق حد."
 

وأضافت مخاطبة بسمة وهبة بكل ثقة: "أنا جيت البرنامج، وأنا مش بخاف من أي حد، وانتي مش هتقدري عليا ، أنا جايّة بمزاجي، ومعنديش أي خوف من أي حد."

كما واجهت بسمة وهبة إيناس بسؤال مباشر "إنتِ بتقولي إني بعاير الناس، إزاي؟" ، فردّت عليها إيناس قائلة: "إنتِ بتجيبي الناس تعايريهم، اتجوزتوا مين؟ خلفتوا كام؟ فشلتوا في إيه؟ ودي مش شخصيتي خالص." ، لترد عليها بسمة وهبة قائلة "علشان كده برنامجك فشل وما نجحش."

وردّت إيناس الدغيدي عليها بحدة، قائلة: "انتي اللي برنامجك 'العرافة' في السنتين اللي كنت بعمل فيهم شيخ الحارة كان فاشل ، وفاشل جدًا 100% ، وأنا مخدتش أسلوبك في البرنامج، لأنّي قدمته بشياكة ووقار أكتر!".