محمد رمضان عن جائزة الـ200 ألف جنيه: خليك جنب تليفونك.. والحظ هيدق بابك!

أعلن الفنان محمد رمضان، عن مسابقة جديدة ضمن برنامجه الرمضاني، تمنح الفائز 200 ألف جنيه، مؤكدًا أن الاختيار يتم عشوائيًا عبر الأرقام.  

وقال محمد رمضان، خلال حديثه في برنامج "مدفع رمضان"، المذاع على DMC: "لعبة الأرقام قائمة على الحظ، عشان كده بوجّه رسالة لكل واحد بيسمعني ، خلي تليفونك في إيدك، مشحون، وفي حتة فيها شبكة، علشان ممكن تكون أنت اللي هنتصل بيه دلوقتي وتكسب 200 ألف جنيه!".
 

وأوضح أن عملية السحب تعتمد على اختيار 11 رقمًا عشوائيًا، حيث يساعده الكمبيوتر في تحديد 7 أرقام، بينما يختار هو بنفسه 4 أرقام بالحظ، قائلًا: "بسم الله وكله عينه على تليفونه!".

وأضاف محذرًا: "محدش يتصل بأي حد خلال العشر دقائق الجايين، إحنا بنتصل مرة أو مرتين بالكتير!".
 وقام محمد رمضان بسحب الرقم الفائز بشكل عشوائي، وهنّأ صاحبه قائلًا: "ألف مبروك والله يكون في عونك الرقم ده مش هتعرف تستخدمه تاني، بس مبروك عليك الجائزة".