ياسمين عز عن النيش: هيكون له فايدة لو هتخلي جوزك يلعب به

أثارت الإعلامية ياسمين عز، جدلًا واسعًا من جديد بتصريحاتها الساخرة حول جهاز العروسة، مؤكدة أن النيش ليس له أي فائدة إلا بشرط واحد. 

وقالت ياسمين: "نفسي أفهم هي الرفايع على مين في جهاز العروسة ومين اللي اخترعها؟ أنا متأكدة أن أم العروسة هي اللي قالت له تعالى يا حمادة يا ابني نجيب رفايع ودفعته 200 ألف جنيه!"

وأكدت أن النيش ليس له فائدة حقيقية، قائلة: "النيش مالوش لازمة إلا لو هتخلي جوزك يلعب في الصالة ويجيب فيه جول". 

وسبق وكشفت ياسمين عز، عن شروط معينة حول كيفية تعامل الفتيات مع خطيبها، حيث أكدت أنها لا بد أن تتركه وقت النوم ليستريح من عناء عمل اليوم.

وقالت خلال برنامج كلام الناس، المذاع عبر قناة mbc مصر: لما تكلمي خطيبك بالليل ويقولك اقفلي أنا عايز أنام دلوقتي، يبقى تقفلي على طول.

وأضافت: مفيش حاجة اسمها أنت هتنام وتسيبني؟، يسيبك فين هو انتي تايهة في الشارع؟، سيبيه ينام الراجل عنده شغل الصبح.

وتابعت: أغلى ما يمكن أن تشتريه للمرأة هو خاطرها، الست مستحيل تبيع الراجل اللي اشترى خاطرها، الراجل الحنين والسند واللي مش بيسيبها الدنيا تيجي عليها.

واختتمت: عمر القلوب ما بتشترى بالفلوس، القلوب بتشترى بالأمان والحنية، اختاري الراجل اللي أول ما تشوفيه تقولي هو ده اللي هيدفعلي النفققة في معادها.