المطرب النقاش لـ"وشوشة": رامي جمال عاوزني أقول للناس إنه بيصرف عليا ولغى متابعتي على إنستجرام

كشف المطرب النقاش أحمد سالم، في لايف بموقع "وشوشة"، بحضور رئيس التحرير عمرو صحصاح، تفاصيل تخلي المطرب رامي جمال عنه بعدما وعده بتبني موهبته وإنتاج أغنيات له ولم ينفذ وعده معه.

وقال المطرب النقاش في تصريح خاص لـ"وشوشة": قالي خلال 4 أو 5 أيام هنعملك أغنيتين من ألحان وكلمات أشهر ناس في مصر، قعدت بعدها 4 شهور.

وأضاف: رامي جمال كنت كل ما أسأله عن الأغاني يقولي اصبر شوية، ويختفي بالشهر ميتواصلش معايا، وهو مشكور كان بيديني مرتب أخده كل شهر.

وتابع: مكنتش فاهم المرتب دة لإيه ورفضت في الأول لكن أنا مكنتش عارف هل هو بيديهولي عشان أنا ملك شركته ولالا معرفش، قالي هعملك أغنيتين ونفذ اغنية واحدة.

واختتم: اختفى فترة وبعدها طلعت مع الإعلامي عمرو أديب في برنامجه، ولقيته اتصل بيا وقالي إنه زعلان مني لأني مقولتش إنه هو اللي كان بيصرف عليا، ودي حاجة مقبلهاش وتوجع كرامتي، ولقيته كمان لغى متابعته ليا على إنستجرام.