ياسمين عز: الراجل كيان كبير ولن أتراجع عن تصريحاتي
الأحد 22/يناير/2023 - 10:36 م
ياسمين عز
أميرة عبدالهادى
ردت الإعلامية ياسمين عز على منتقدي نصائحها الأخيرة التي وجهتها للسيدات وتتعلق بالتعامل مع أزواجهم، من خلال برنامجها على قناة MBC مصر.
وقالت ياسمين عز خلال برنامجها كلام الناس والذي يعرض على قناة MBC مصر: "أنا ليا نصيب من اسمي ومعروف عني في الوسط الإعلامي من زمان إني بدلع الضيف وبعمل حوار حلو ما شاء الله عليا، وأنا بدخل البهجة على قلب الناس وبنام مفرفحة من كلامي كل يوم".
ووجهت ياسمين عز نصائح للسيدات قائلة: "لما بقولك قوليله يا أستاذ محمد بالتنعيم الشتوي أو يا محمد الكبير جدًا دا بيكون بجد ولن أتراجع عن كلامي وسجلوا لي".
وتابعت: “لو جوزك دكتور أسنان يبقى ربنا بيحبك دا رزق من ربنا.. وفيه كل المواصفات اللي بتحلم بها أي ست، متواضع ومؤدب ولسانه بينقط سكر ولا بيطلع منه العيب، كاريزما وبيكون زي الدكتور النفسي من كتر الراحة معاه، وصوته شتوي طول الوقت من كتر البنج، وبيلمع ونضيف”.
واختتمت: "اللي طلعت مقولة حس الراجل بالدنيا دي ست متغاظة؛ ودي مقولة محرفة لأن الراجل كيان كبير، وأنا لن أتراجع عن مقولتي كتاف الراجل بالدنيا لأنها بجد ومش هزار".
