رئيس مجلس الإدارة
محمود إسماعيل
رئيس التحرير
عمرو صحصاح
رئيس مجلس الإدارة
محمود إسماعيل
وشوشة
رئيس التحرير
عمرو صحصاح

محامي شيرين عبدالوهاب لـ "وشوشة": مش هنتنازل عن المحضر ومفيش تصالح هيتم مع طليقها

ياسر قنطوش
ياسر قنطوش

علق المستشار القانوني ياسر قنطوش، المحامي الخاص بالفنانة شيرين عبدالوهاب والمتحدث الرسمي لها، على واقعة المشاجرة التي حدثت بين موكلته وطليقها المطرب حسام حبيب، والتي انتهت بتحريرها محضرًا ضده.

ياسر قنطوش قال في تصريح خاص لـ"وشوشة" إنه لا يوجد تنازل عن المحضر التي حررته الفنانة اليوم ضد طليقها الفنان حسام حبيب، مشيراً إلى أن الصلح لم يتم والتنازل لم يحدث.

وفي سياق متصل تباشر النيابة العامة بالقاهرة التحقيق في البلاغ المقدم من شيرين عبدالوهاب ضد طليقها حسام حبيب، لاتهامه بالتعدي عليها بالضرب بعد أن حررت ضده محضرا رسميًا بقسم التجمع الخامس، بتهمة التعدي عليها بالضرب المبرح داخل شقة تستخدم كاستديو بمنطقة التجمع الأول.


حسام حبيب: أنا مذهول من كلام شيرين عني


وكان حسام حبيب وفي أول تعليق له، قد قال في تصريح خاص سابق لـ"وشوشة" إنه لم يتعدى بالضرب على طليقته شيرين: لا طبعًا الكلام دة مش صح ومحصلش، والخناقة أنا مش طرف فيها وكل اللي عملته حوشت بينهم.

وأضاف: في حاجات شيرين عملتها وأنا مستحيل هقولها ومش عاوز أتكلم عنها بطريقة مش حلوة، وفي حاجات عملتها مع بنتها كمان مستحيل أقولها إلا أما بنتها توافق إني أقولها أو والد البنت يوافق، أنا مش طرف في القصة أصلا وعندي ذهول من كل اللي بيحصل دة أكتر من الناس.

وتابع: دة العادي بتاع شيرين أصلًا، قبل كدة طلعت قالت سرق مني وعمل حاجات وبعدها تطلع تقول مسرقش، ومن يومين قالت معاه حق وهو الصح والنهاردة تقول كدة، أنا مش عارف ليه بيحصل كدة أنا هتجنن أكتر منكم.

واختتم: أنا مذهول ونفسيًا مش مظبوط خاصة المره دي لأني مش طرف أساسًا في الموضوع كله، الخناقة كانت بينها وبين بنتها.

تم نسخ الرابط