ياسمين عز تفتح النار على قصات شعر الطلاب: ده منظر!
تحدثت الإعلامية ياسمين عز عن أزمة قصات الشعر الغريبة التي يظهر بها بعض الطلاب مع بداية العام الدراسي، معتبرة أن الأمر أصبح من الأمور المتكررة التي تشهدها المدارس مع عودة الدراسة.
وقالت ياسمين عز، خلال برنامج «كلام الناس» المذاع عبر قناة «MBC مصر»: «كل ده كوم وقصة حلاقة الشعر ده كوم تاني، لأن دي المشكلة الكبرى، الطلبة بيعملوا قصات شعر غريبة وده من قديم الزمن عارفينه، اللي عامل عرف الديك».
وسخرت ياسمين عز من بعض القصات التي يختارها الطلاب، مشيرة إلى أن المدارس تحرص على التأكد من التزام الطلاب بالمظهر المناسب خلال اليوم الدراسي.
وأضافت: «شوية الحلاقات والقصات دي مش منظر حد رايح مدرسة، ده منظر حد رايح إصلاحية، ده مينفعش».
وبطريقة ساخرة، اقترحت ياسمين عز توفير حلاق داخل المدارس لتجنب تكرار أزمة قصات الشعر مع بداية كل عام دراسي، قائلة: «الناس قالت إزاي مفيش حلاق فاتح الساعة 7 الصبح؟ أنا بقترح إن زي ما في زي للمدرسة نعمل حلاق للمدرسة، ويبقى في حلاقة المدارس، عشان محدش يبقى عنده حجة».
