أحمد جمال لـ"وشوشة": النجاح الحقيقي إن الأغنية تبقى في الشارع

تحدث الفنان أحمد جمال في تصريح خاص لـ"وشوشة"، عن مفهوم النجاح الحقيقي بالنسبة له، مؤكدًا أن انتشار الأغنية بين الجمهور وترديدها في الشارع يظل المقياس الأهم، رغم أهمية أرقام المشاهدات والتفاعل عبر منصات التواصل الاجتماعي.

وقال أحمد جمال: "النجاح الحقيقي بالنسبالي إن الأغنية تبقى في الشارع، والناس تبقى حافظاها وبتغنيها، ده النجاح الحقيقي".

أحمد جمال:الأغاني بتنجح على السوشيال ميديا وممكن متبقاش وصلت للشارع أوي

وأضاف أحمد جمال قائلاً: "في بعض الأغاني بتنجح على السوشيال ميديا وممكن متبقاش وصلت للشارع أوي، لكن أرقامها عاملة أرقام كويسة وناجحة نجاح على السوشيال ميديا، والناس عارفة الأغنية آه، بس مش متداولة، مش كل الناس حافظاها ومش كل الناس بتغنيها".

وتابع أحمد جمال حديثه قائلاً:"يمكن ده نجاح وده نجاح، لكن النجاح الأصعب بالنسبالي إن تبقى أغنية في الشارع، والناس يبقى كل اللي ماشي في الشارع بيغنيها، فده نجاح وده نجاح".

واختتم أحمد جمال حديثه قائلًا:"السوشيال ميديا بقت دلوقتي المنصة الأولى لكل النجاحات، زمان كان في شريط كاسيت وسي دي، لكن دلوقتي خلاص بقينا بنشوف السوشيال ميديا هي أهم حاجة، فالأرقام أكيد مؤشر للنجاحات".