فرح الموجي لـ"وشوشة": نشيد العاشقين من أكتر الأغاني اللي بحبها لـ أحمد جمال
تحدثت الفنانة فرح الموجي عن الأغنية الأقرب إلى قلبها من أعمال زوجها الفنان أحمد جمال، موضحة أن السؤال صعب بالنسبة لها، خاصة أنها تحب العديد من أغانيه.
وقالت فرح الموجي في تصريح خاص لـ"وشوشة": "سؤال صعب أوي، كل مرة مش ببقى عارفة أجاوب عنه، أصل أنا بحب حاجات كتير أوي، بس أنا قلت قبل كده وبقولها تاني إني بحب “نشيد العاشقين” جدًا، لأنها أغنية رومانسية وشخصية أحمد باينة فيها، فأنا بحبها أوي".
وعن طبيعة حياتهما معًا والتعامل مع انشغالات العمل، أكدت فرح الموجي أن وجودهما في المجال نفسه يجعل الأمر أكثر سهولة بالنسبة لهما، مشيرة إلى أن كل طرف يتفهم طبيعة عمل الآخر.
وأضافت فرح الموجي قائلة: "الموضوع عندنا مش صعب أوي، يمكن إحنا الاتنين في نفس الحاجة، يعني إحنا الاتنين بنعمل نفس الحاجات".
واختتمت فرح الموجي حديثها قائلة: "وعارفة لو حد بيشتغل في المجال ده وحد تاني لا، كنا هنواجه صعوبة أكبر، بس إحنا عشان فاهمين اللايف ستايل والحاجات دي، فأنا متفهمة إنه ممكن أوقات كتير مش موجود وبيشتغل، وهو كمان أكيد هيبقى متفهم ده، فإحنا عشان في نفس الموضوع، فالحمد لله مش بنواجه مشكلة".
