"لازم تبقي أنانية".. أميرة أديب تكشف كواليس بدايتها في الوسط الفني
تحدثت الفنانة أميرة أديب عن تفاصيل أزمتها النفسية وتأثير اضطراب فرط الحركة وتشتت الانتباه «ADHD» عليها، إلى جانب معاناتها من الانتقادات والتنمر منذ دخولها المجال الفني.
أميرة أديب: ADHD يصل إلى الاكتئاب
وأوضحت أميرة أديب، من خلال لقاء ببرنامج «On The Road» مع الإعلامي بلال العربي، أن إصابتها باضطراب فرط الحركة وتشتت الانتباه جعلت التعامل مع نوبات الاكتئاب أكثر صعوبة، موضحة أن الاضطراب يرتبط لديها بمشكلة في مستوى الدوبامين.
وقالت: «على فكرة الـADHD بيسهل أوي موضوع الاكتئاب ده، بيسهله أوي، الـADHD فيه نقص في الدوبامين، جزء منه كبير إن مخك ما بيفرزش دوبامين، فلما الاكتئاب بيخبط كده، الاتنين مع بعض، الاكتئاب صفر دوبامين، مع الدوبامين اللي ناقصني أساسًا، وقع كفاني على الأرض».
أميرة أديب تكشف معاناتها من التنمر في الوسط الفني
وتطرقت أميرة أديب إلى تأثير الانتقادات التي تعرضت لها بعد دخولها مجال الفن، مؤكدة أن التعليقات المتعلقة بشكلها ومظهرها كانت من الأمور التي أثرت عليها.
وأضافت: «الشغلانة بالنسبة لي برضه كانت مأثرة عليا، كان إن أنا بسمع كتير لازم تعملي مناخيرك، لازم مش عارف إيه، الدور ده مش هنديهولك عشان شايفين لو حطيتي فيلر هناخدك».
وأشارت إلى أنها كانت تسمع نصائح تتعارض مع شخصيتها وطريقة تربيتها، خاصة فيما يتعلق بفكرة الأنانية والمنافسة داخل الوسط الفني، قائلة: «كانوا يقولوا لك لازم تبقي أنانية عشان توصلي، وكنت بسمع حاجات عكس تمامًا تربيتي وفطرتي».
وأوضحت أميرة أديب، أن رؤيتها لبعض المواقف داخل الوسط الفني جعلتها تنفر من العمل، مضيفة: «شايفة ناس بتدوس على ناس عشان توصل، وشايفة جشع وحرمان، لما لقيت إن أنا عشان أوصل لازم أبقى أنا، كرهت الشغل».
وأكدت أنها استطاعت لاحقا الوصول إلى طريقة تحافظ بها على شخصيتها ومبادئها دون أن تشعر بأنها تؤذي أو تقلل من الآخرين، قائلة: «عشان أبقى أنا، ولو ما وصلتش للي أنا عايزاه، أكون ببني آدميتي من غير ما أي حد يحس إنه متهان مني».
وتابعت أميرة أديب قائلة: «الصحاب مهمين جدًا جدًا، وفي الوقت ده بيبان مين بيحبك بجد ومين لا».
واختتمت حديثها بالتأكيد على تمسكها بشخصيتها وعدم تغييرها لإرضاء الآخرين، قائلة: «أهم حاجة اتأكدت لي إن أنا هفضل زي ما أنا، ومش لازم أتغير عشان حد، واللي حاببني كده يحبني كده، واللي مش حاببني مش مهم نهائي، المهم إن أنا أبقى حقيقية مع نفسي».
