رامي جمال: النقد غير المدروس بيقلل من مجهود المطربين
أعرب الفنان رامي جمال عن استيائه من حالة التعصب التي يشهدها الوسط الموسيقي مؤخرًا، مؤكدًا أن المنافسة الفنية أمر طبيعي، لكن تحويلها إلى صراعات وهجوم على الفنانين أمر غير مقبول، مطالبًا الجمهور بدعم جميع المطربين بدلًا من التقليل من مجهود أي فنان.
وكتب رامي جمال عبر حسابه الرسمي على موقع "إنستجرام":"موسم جميل للموسيقى المصرية، ألبومات كتير جميلة، بس شايف حاجة مش عجباني، إن جمهور الموسيقى بقى جمهور كورة أوي ومتعصب، ولجان وناس تقلل من مجهود المطرب اللي مش بيتسمعوا على فكرة، الصراع اللي بيتعمل ده المطربين نفسهم مش عايشينه".
وأضاف رامي جمال قائلاً:"يعني إحنا كلنا محدش بيبص للتاني، وكلنا ناجحين، وورانا شركات كبيرة، وما بين نجاحنا وحفلاتنا وسفرنا والألبومات، نحب طبعًا المنافسة، بس أكيد اللي مش بيعجبك يعجب غيرك".
وتابع رامي جمال حديثه قائلاً:"والعكس، شايف كمان بعض النقاد اللي مش دارسين بيدخلوا في النص بآراء ياريتها لو صح، في الآخر مبروك لكل زملائي اللي ألبوماتهم نزلت".
رامي جمال عن هدف كل فنان
وأكد رامي جمال أن هدف كل فنان هو تقديم عمل يترك أثرًا لدى الجمهور، قائلًا: “الموسيقى فن راقي وممتع، هدفنا أولًا وأخيرًا سمعه الذين، وليه العظيم نفسي أمثل مصر زي ناس عملوا مجد جدًا باللي وصلوله، واللي زملائي وصلوله، واللي أساتذتنا وصلوله، واللي جاي أجمل للكل".
واختتم رامي جمال رسالته قائلًا:"وأتمنى أنا شخصيًا إني أكون أحسن من اللي وصلتله، وشكرًا لكل الجمهور اللي بيقدر الفن، اللي بنقابله في كل مكان في مصر وكل الدول العربية".
