دنيا عبد العزيز لـ”وشوشة”: أؤمن بالسحر لأنه ذُكر في القرآن

كشفت الفنانة دنيا عبد العزيز، عن موقفها من السحر والحسد، مؤكدة أنها تؤمن بوجودهما لأنهما وردا في القرآن الكريم، لكنها في الوقت نفسه لا تسمح لتلك الأمور بأن تسيطر على حياتها أو تشغل تفكيرها.

وقالت دنيا في تصريح خاص لـ “وشوشة”: “أكيد بؤمن بالسحر، لأنه مذكور في القرآن، والحسد موجود طبعًا، وكلنا بندعي ربنا يبعدنا عن الناس اللي بتحسد، لكن طول ما إيمانك بالله قوي، هتسيب كل حاجة عليه.”

وأضافت أنها تعتمد دائمًا على التحصين بالقرآن الكريم، ولا تمنح هذه الأمور أكبر من حجمها، موضحة: “أنا بحصن نفسي بالقرآن، ومبخليش الحاجات دي ترعبني أو تشغل تفكيري خالص.”

وأشارت إلى أنها قد تشعر أحيانًا بأن هناك أمرًا غير طبيعي يحدث معها، لكنها لا تلجأ إلى أي شخص بحثًا عن حلول، قائلة: “ممكن أقول لنفسي يمكن معمولي عمل، لكن عمري ما فكرت أروح لشيخ أو أقول أنا محسودة وأدور على حد يفكلي ده.”

واختتمت دنيا عبد العزيز تصريحاتها لـ”وشوشة” بالتأكيد على أن ثقتها الكاملة في الله هي مصدر قوتها، قائلة: “ربنا هو اللي بيكون عايز يبعد عني أي شر، وأنا مليش غيره، لأنه هو القادر على كل حاجة، وده الشيء الوحيد اللي مؤمنة بيه.”