سمية الخشاب لـ"وشوشة": منتخبنا شرّف كل مصري.. وما تحقق إنجاز نفتخر به

حرصت الفنانة سمية الخشاب على توجيه رسالة دعم للمنتخب المصري عقب انتهاء مشواره في بطولة كأس العالم 2026، مؤكدة فخرها بما قدمه اللاعبون والجهاز الفني طوال البطولة.

وفي تصريح خاص لـ"وشوشة”" قالت سمية الخشاب:"منتخبنا بالجهاز الوطني شرفونا ورفعوا راس كل مصري بجد، وإحنا فخورين جدًا بيهم محدش قصر، وكلهم تعبوا وكانوا على أعلى مستوى. كان حلمنا من الأول نوصل لدور الـ16، ووصلناله، وكان ممكن نكمل للآخر ونعدي كل التوقعات".

وأضافت سمية الخشاب قائلة:"الناس كانت مذهولة من الفريق المصري في كل حتة في العالم، وكلهم كانوا مستنيين يشوفوا المصريين هيعملوا إيه، لأن الولاد أثبتوا إنهم متدربين كويس وعارفين هما بيعملوا إيه".

واستكملت سمية الخشاب قائلة:"لولا فساد التحكيم، وده كان واضح جدًا، وكانت فيه حسابات خاصة ومصلحة لميسي في النهاية حتى ميسي في الشوط الأول اتسحل، والجون اللي اتحرمنا منه كان ظلم واضح، وكمان كانت فيه قرارات كتير ضدنا".

وتابعت سمية الخشاب حديثها قائلة:"لكن إحنا مش متضايقين، دي مكسب كبير جدًا عندنا مصطفى شوبير ما شاء الله عليه، ومحمد صلاح، وكل اللعيبة تعبوا، ومحدش قصر. مش لازم نزعل، إحنا خسرنا لكن بكرامة، وفخورين جدًا بيهم".

واختتمت سمية الخشاب حديثها قائلة:"وإن شاء الله من نجاح لنجاح، وربنا يكرمهم ويوفقهم، واللي وصلناله حاجة نفخر بيها كلنا كمصريين".

المنتخب المصري يودع المونديال بعد أداء بطولي أمام الأرجنتين

أنهى المنتخب المصري مشواره في بطولة كأس العالم 2026 بعد خسارته أمام منتخب الأرجنتين بنتيجة 3-2 في دور الـ16، في مباراة شهدت أداءً قويًا من الفراعنة الذين قدموا مستوى فنيًا مميزًا وروحًا قتالية حتى صافرة النهاية.

ورغم وداع البطولة، نجح المنتخب في تحقيق إنجاز تاريخي بالتأهل إلى الأدوار الإقصائية للمونديال لأول مرة، ليحصد إشادة واسعة من الجماهير وعدد كبير من نجوم الفن والإعلام، الذين أكدوا أن ما قدمه اللاعبون والجهاز الفني يمثل مصدر فخر لكل المصريين.