في أول تعليق بعد الحادث.. مريم أمين لـ"وشوشة": أنا تمام ومحصليش حاجة

 طمأنت الإعلامية مريم أمين متابعيها على صحتها بعد إعلان تعرضها لحادث سير.

وقالت خلال تصريحات خاصة لـ"وشوشة": «أنا كويسة ومحصليش أي حاجة.. هي بس المعلومة تداولت بشكل مش دقيق مع إن أنا سردت القصة في بوست عندي على الفيسبوك.. لكن أنا مصحليش حاجة بس هو الكوتشين فرقعوا واتخضيت وأنا كويسة الحمدلله.. وشكرًا طبعًا لكل الناس اللي سألت عليا أنا الحمدلله».

وفي هذا الصدد، قد كشفت الإعلامية مريم أمين عن تعرضها لحادث سير، وذلك عبر منشور كتبته على صفحتها الرسمية على موقع التواصل الاجتماعي "فيسبوك".

 وقالت: "نبذة عن العين اللي تفلق فعلا الحجر، امبارح كانت أول حلقة ليا في برنامج من ماسبيرو.. وأنا في الطريق دخلت حطيت بنزين طلعت من البنزينة… و ماشية عادي جدا.. كان في مطب من المطبات الفخ كده، قوم حصل اييييييه!!!!.. الكوتشتين اليمين قدام وورا اتقطعوا والعربية في لحظة راحت مايله يمين كأني هقع في ترعة مثلاً".

وأضافت مريم أمين: "فشكرا أصحاب المدورة المقورة بس في الاخر… ربنا موجود وهو الحافظ".